سیلاب کے باعث فیصل آباد، خانیوال سیکشن بند، متبادل روٹ پر اضافی ڈیزل استعمال
سیلاب کی وجہ سے ٹرینیں متاثر
لاہور (ڈیلی پاکستان آن لائن) سیلاب کے باعث فیصل آباد، خانیوال سیکشن بند تاحال بند ہے، متبادل روٹ پر ٹرینیں چلانے کے لیے اضافی ڈیزل استعمال کرنا پڑ رہا ہے۔
یہ بھی پڑھیں: کشتی والے سیلاب سے لوگوں کو نکالنے کا فی کس 10 ہزار روپے لے رہے ہیں: اسد اللہ خان
ٹرینوں کی منسوخی
نجی ٹی وی چینل دنیا نیوز کے مطابق پاکستان ریلویز نے مسافروں کی تعداد میں کمی کے باعث آج دو ٹرینیں شاہ حسین اور پاک بزنس ایکسپریس منسوخ کردیں۔ پشاور سے کراچی جانے والی ٹرینوں کو متبادل روٹ سے منزل مقصود تک پہنچایا جارہا ہے۔
یہ بھی پڑھیں: شوہر کو ہنی مون پر قتل کرانے والی دلہن گرفتار، قتل کی وجہ سامنے آگئی
متبادل روٹس پر ٹرینیں
پاکستان ایکسپریس، ملت ایکسپریس، رحمان بابا اور ہزارہ متبادل روٹ لاہور ساہیوال سے کراچی جارہی ہیں۔ لاہور سے قراقرم، شاہ حسین ایکسپریس، شالیمار کو بھی براستہ رائیونڈ، ساہیوال چلایا جارہا ہے۔
یہ بھی پڑھیں: ہمیں عدلیہ کو آزاد کرنا تھا لیکن اتنا نہیں کہ وہ ہماری آزادی ہی چھین لے: وزیر دفاع
سٹیشنز کی بندش اور نقصانات
فیصل آباد براستہ ٹوبہ، خانیوال جانے والی تمام مال بردار گاڑیوں کو بھی متبادل روٹ سے چلایا جارہا ہے، متبادل روٹ کے باعث روزانہ کی بنیاد پر اضافی ڈیزل کی مد میں لاکھوں روپے کا نقصان ہورہا ہے۔
یہ بھی پڑھیں: طالبہ سے مبینہ زیادتی، تحقیقات کے لیے قائم خصوصی کمیٹی نے وزیر اعلیٰ پنجاب کو رپورٹ پیش کر دی
مسافروں کی کمی
متبادل روٹ کے باعث ٹرینوں میں مسافروں کی تعداد میں بھی کمی ہوئی ہے، روزانہ کی بنیاد پر کراچی جانے والی ایک سے دو ٹرینیں منسوخ کی جارہی ہیں۔
فیصل آباد سے خانیوال روٹ کی بحالی
ترجمان ریلوے نے بتایا کہ فیصل آباد سے خانیوال روٹ سیلاب کے باعث بند ہوا ہے، رواں ہفتے ہی اس ٹریک کو بحال کردیا جائے گا۔ اس روٹ پر چلنے والی ٹرینیں لاہور سے براستہ رائیونڈ، ساہیوال جارہی ہیں.
