سیلاب کے باعث فیصل آباد، خانیوال سیکشن بند، متبادل روٹ پر اضافی ڈیزل استعمال

سیلاب کی وجہ سے ٹرینیں متاثر

لاہور (ڈیلی پاکستان آن لائن) سیلاب کے باعث فیصل آباد، خانیوال سیکشن بند تاحال بند ہے، متبادل روٹ پر ٹرینیں چلانے کے لیے اضافی ڈیزل استعمال کرنا پڑ رہا ہے۔

یہ بھی پڑھیں: بھارت میں شیڈول ٹی ٹوینٹی ورلڈ کپ کے ممکنہ گروپس اور شیڈول سامنے آ گیا

ٹرینوں کی منسوخی

نجی ٹی وی چینل دنیا نیوز کے مطابق پاکستان ریلویز نے مسافروں کی تعداد میں کمی کے باعث آج دو ٹرینیں شاہ حسین اور پاک بزنس ایکسپریس منسوخ کردیں۔ پشاور سے کراچی جانے والی ٹرینوں کو متبادل روٹ سے منزل مقصود تک پہنچایا جارہا ہے۔

یہ بھی پڑھیں: امیر جماعت اسلامی حافظ نعیم الرحمان کی ایرانی سفیر رضا امیری مقدم سے ملاقات

متبادل روٹس پر ٹرینیں

پاکستان ایکسپریس، ملت ایکسپریس، رحمان بابا اور ہزارہ متبادل روٹ لاہور ساہیوال سے کراچی جارہی ہیں۔ لاہور سے قراقرم، شاہ حسین ایکسپریس، شالیمار کو بھی براستہ رائیونڈ، ساہیوال چلایا جارہا ہے۔

یہ بھی پڑھیں: لاہور میں موٹر سائیکل سوار شہری کے گلے پر ڈور پھر گئی

سٹیشنز کی بندش اور نقصانات

فیصل آباد براستہ ٹوبہ، خانیوال جانے والی تمام مال بردار گاڑیوں کو بھی متبادل روٹ سے چلایا جارہا ہے، متبادل روٹ کے باعث روزانہ کی بنیاد پر اضافی ڈیزل کی مد میں لاکھوں روپے کا نقصان ہورہا ہے۔

یہ بھی پڑھیں: جاسوسی کا الزام، روس نے برطانوی سفارتکار کو ملک بدر کردیا

مسافروں کی کمی

متبادل روٹ کے باعث ٹرینوں میں مسافروں کی تعداد میں بھی کمی ہوئی ہے، روزانہ کی بنیاد پر کراچی جانے والی ایک سے دو ٹرینیں منسوخ کی جارہی ہیں۔

فیصل آباد سے خانیوال روٹ کی بحالی

ترجمان ریلوے نے بتایا کہ فیصل آباد سے خانیوال روٹ سیلاب کے باعث بند ہوا ہے، رواں ہفتے ہی اس ٹریک کو بحال کردیا جائے گا۔ اس روٹ پر چلنے والی ٹرینیں لاہور سے براستہ رائیونڈ، ساہیوال جارہی ہیں.