متاثرین سیلاب کو گھروں میں شفٹ کرنے تک حکومت پنجاب متحرک رہے گی: سہیل شوکت بٹ
صوبائی وزیر کا دورہ تحصیل بھوآنہ چنیوٹ
لاہور (ڈیلی پاکستان آن لائن) وزیراعلیٰ پنجاب مریم نواز کی ہدایت پر صوبائی وزیر سوشل ویلفیئر و بیت المال سہیل شوکت بٹ نے تحصیل بھوآنہ چنیوٹ کا دورہ کیا۔ اس موقع پر ڈپٹی کمشنر چنیوٹ صفی اللہ گوندل، ارکان صوبائی اسمبلی مولانا محمد الیاس چنیوٹی، چوہدری ثاقب خاں چدھڑ، اور اسسٹنٹ کمشنر بھوآنہ سعدیہ جمال بھی موجود تھیں۔
یہ بھی پڑھیں: آئی ایم ایف سے ایک ارب ڈالر کی نئی قسط کے لیے مذاکرات رواں ماہ کے آخر میں ہوں گے
سماجی بہبود کے اقدامات
ڈائریکٹر سوشل ویلفیئر خالدہ رفیق، ڈویژنل کوآرڈینیٹر سماجی بہبود رانا وارث حسین، مسلم لیگی رہنما آفتاب اکبر چوہدری ودیگر بھی شریک تھے۔ صوبائی وزیر سوشل ویلفیئر نے مقامی مارکی میں قائم فلڈ ریلیف کیمپ میں جا کر رورل کمیونٹی ڈویلپمنٹ سوسائٹی کے اشتراک سے 450 سے زائد سیلاب متاثرین میں تقریباً 2 ماہ کا راشن و ضروری گھریلو سامان تقسیم کیا۔
یہ بھی پڑھیں: Your Saturday Under the Stars: How Will It Be?
سیلاب متاثرین سے ملاقات
انہوں نے سیلاب متاثرین سے ملاقات کی اور کہا کہ حکومت پنجاب سیلاب متاثرین کی مکمل آبادکاری تک انہیں تنہا نہیں چھوڑے گی۔ وزیراعلیٰ پنجاب کو ترقی کی راہ پر گامزن کرنے کے ساتھ ساتھ سیلاب متاثرین کی بحالی کے لیے بھی سرگرم ہیں۔ سیلاب متاثرین میں این جی اوز کے ساتھ مل کر ضرورت زندگی کا سامان تقسیم کیا جا رہا ہے۔ وزیر اعلیٰ کا ہر کیبنٹ ممبر سیلاب متاثرہ علاقوں میں متاثرین کے ساتھ کھڑا ہے اور وزیراعلیٰ پنجاب کی ہدایت پر آج بھوآنہ آپ کے لئے سامان لے کر آیا ہوں۔ سیلاب متاثرین کے نقصانات کا ازالہ کریں گے۔ اس ضمن میں شفاف انداز میں سروے جاری ہے اور متاثرین کا حق ان کی دہلیز تک پہنچائیں گے جبکہ چھوٹے کسانوں کے نقصانات کو بھی پورا کریں گے۔
یہ بھی پڑھیں: غزہ پر اسرائیلی بمباری نے دوران قید سب سے زیادہ خطرے میں ڈال دیا: سابق یرغمالی خاتون
این جی اوز کا کردار
صوبائی وزیر نے کہا کہ تمام این جی اوز متحرک ہیں جنہوں نے آج مشکل وقت میں کلیدی کردار ادا کیا۔ متاثرین سیلاب کو گھروں میں شفٹ کرنے تک حکومت پنجاب متحرک رہے گی۔
تقریب اور امدادی سرگرمیاں
تقریب سے ارکان اسمبلی نے بھی خطاب کیا۔ قبل ازیں صوبائی وزیر ڈی سی آفس بھی گئے جہاں ڈپٹی کمشنر نے سیلاب متاثرین کی امداد و بحالی کے جاری اقدامات سے آگاہ کیا۔
