الخدمت فاؤنڈیشن سیلاب متاثرین پر ایک ارب 10 کروڑ 40 لاکھ روپے خرچ کر چکی ہے، ڈاکٹر حفیظ الرحمن

اجلاس کا انعقاد

لاہور (ویب ڈیسک) صدر الخدمت فاؤنڈیشن پاکستان پروفیسر ڈاکٹرحفیظ الرحمن کی زیر صدارت فلڈ ریسکیو اینڈ ریلیف آپریشن کا جائزہ اجلاس منعقد ہوا۔ سی ای او خبیب بلال نے پاکستان کے 58 اضلاع میں سیلاب متاثرین کیلئے الخدمت کی امدادی سرگرمیوں پرشرکاء کو بریفنگ دی۔

یہ بھی پڑھیں: ٹاس کے دوران میزبان نے مبینہ گرل فرینڈ سے متعلق ایسا سوال پوچھ لیا کہ شبمن گل پریشان ہو گئے

مالی امداد

ڈاکٹرحفیظ الرحمن نے کہا کہ متاثرین کی خدمت پر اب تک ایک ارب 10 کروڑ 40 لاکھ روپے خرچ کیے جا چکے ہیں۔ پہلے مرحلے میں خیبر پختونخوا، پنجاب اور آزاد کشمیر کے کم اضلاع متاثر ہوئے، لیکن 15 اگست سے سوات، بونیر اور دیگر علاقوں میں کلاؤڈ برسٹ، بارشوں اور دریاؤں میں سیلابی صورتحال نے خیبر پختونخوا، پنجاب سمیت پورے پاکستان کو متاثر کیا۔ 15 اگست کی رات ہی ہنگامی اجلاس کے فوری بعد الخدمت کے ذمہ داران اور رضاکاروں نے ریسکیو آپریشن شروع کردیا تھا جو 40 دنوں سے مسلسل جاری ہے۔

یہ بھی پڑھیں: یمن کے صوبے صنعا میں امریکی فضائی حملہ، 5 افراد جاں بحق، متعدد زخمی

ایمرجنسی ریسکیو آپریشن

اس دوران ایمرجنسی ریسکیو آپریشنز میں 16 ہزار 421 رضاکاروں نے 31 کشتیاں اور 130 مشینری یونٹس کے ذریعے 2 ہزار 161 آپریشنز مکمل کرکے 38 ہزار 606 افراد کو محفوظ مقامات پر منتقل کیا۔ 4 لاکھ 24 ہزار 51 فوڈ باکس تقسیم کیے گئے اور 44 ہزار 695 خاندانوں کو فوڈ پیکجز فراہم کیے گئے۔ متاثرین کیلئے 15 خیمہ بستیاں قائم کی گئیں جن میں 16 ہزار 327 افراد کو کھانا، صاف پانی، میڈیکل کی سہولیات، بچوں کیلئے سکول اور پلے ایریا قائم کئے گئے ہیں جبکہ بعض خیمہ بستیوں میں مساجد، لائبریری کی سہولیات بھی فراہم کی جارہی ہیں۔

یہ بھی پڑھیں: مریم نواز نے پنجاب بھر میں ایک ہفتے میں تجاوزات ختم کرنے کا ہدف دیدیا

صحت کی سہولیات

ڈاکٹرحفیظ الرحمن نے کہاکہ صحت کے شعبے میں 8 موبائل ہیلتھ یونٹس، 767 میڈیکل کیمپس، اور 60 ایمبولینس کے ذریعے متاثرین کو ہیلتھ کی سہولیات فراہم کی گئیں جس میں کم وبیش دو لاکھ زخمی اور مریض مستفید ہوئے۔ انہوں نے کہاکہ سیلاب سے متاثرہ علاقوں میں صاف پانی، سیوریج سمیت تمام انفراسٹرکچر تباہ ہوگیا، الخدمت کے واش پروگرام نے متاثرین کو صاف پانی کی فوری فراہمی کیلئے متاثرین کو 3 لاکھ 59 ہزار 984 پانی کی بوتلیں، 4 ہزار 776 ہائی جین کٹس، 4 ہزار 23 ڈگنٹی کٹس، 811 واٹر ٹینکس، 3 ہزار 869 جیری کین فراہم کیے۔ 12 موبائل فلٹریشن پلانٹس مسلسل متاثرہ افراد کو صاف پانی کی فراہمی جاری رکھے ہوئے ہیں۔

جانوروں کی دیکھ بھال

ڈاکٹرحفیظ الرحمن نے کہاکہ سیلاب سے متاثرہ انسانوں کے علاوہ الخدمت فاؤنڈیشن نے جانوروں کے چارے کیلئے بھی انتظام کیا اور 128 ٹرک چارہ متاثرہ علاقوں میں موجود جانوروں کو فراہم کیا گیا۔ سیکرٹری جنرل سید وقاص جعفری، نائب صدر سید احسان اللہ وقاص، سی ای او خبیب بلال، ڈائریکٹر پروگرام حماد اختر، سینئر منیجر میڈیا ریلیشنز شعیب ہاشمی، منیجر ڈیزاسٹر مینجمنٹ آصف جمال سمیت دیگر شعبوں کے ذمہ داران بھی اجلاس میں شریک ہوئے۔