پشاور ہائی کورٹ نے ایڈووکیٹ ایمان مزاری اور شوہر ہادی علی چٹھہ کو 9 اکتوبر تک راہداری ضمانت دے دی

پشاور ہائی کورٹ میں سماعت

پشاور (ڈیلی پاکستان آن لائن) ہائی کورٹ نے ایمان مزاری ایڈووکیٹ اور ان کے شوہر ہادی علی چھٹہ ایڈووکیٹ کو 9 اکتوبر تک راہداری ضمانت دے دی۔

یہ بھی پڑھیں: محسن نقوی کی امریکی سفیر نیٹلی بیکر سے اہم ملاقات، جعلی ویزا نیٹ ورک پر مشترکہ کارروائی پر اتفاق

راہداری ضمانت کی درخواست

چیف جسٹس ایس ایم عتیق شاہ نے راہداری ضمانت کی درخواست پر سماعت کی۔ ایمان مزاری کے وکلا عطاء اللہ کنڈی، جہانزیب محسود، طارق افغان، اور ایڈیشنل اٹارنی جنرل ثناء اللہ عدالت میں پیش ہوئے۔

یہ بھی پڑھیں: مولانا حامد الحق شہید کی قربانی رائیگاں نہیں جائے گی :مولانا عبد الحق ثانی

وکلا کا مؤقف

وکیل درخواست گزار نے مؤقف اپنایا کہ ایمان مزاری وکیل اور سماجی کارکن ہیں، اسلام آباد میں مقدمہ درج کیا گیا ہے۔ چیف جسٹس ایس ایم عتیق شاہ نے استفسار کیا کہ یہ دونوں وکیل ہیں؟ وکیل درخواست گزار نے جواب دیا کہ جی، دونوں درخواست گزار وکیل ہیں اور عدالت میں پیش ہونا چاہتے ہیں۔

یہ بھی پڑھیں: سیکیورٹی فورسز کے خیبرپختونخوا میں 3 الگ الگ آپریشنز، 15 خوارج ہلاک، پاک فوج کے 2 جوان شہید

چیف جسٹس کا سوال

چیف جسٹس ایس ایم عتیق شاہ نے پوچھا کہ آپ پہلی بار پشاور آئی ہیں؟ ایمان مزاری نے جواب دیا کہ جی، میں پہلی بار پشاور ہائیکورٹ میں آئی ہوں۔

چیف جسٹس ایس ایم عتیق شاہ نے کہا کہ چلو آپ ایف آئی آر کے بہانے پشاور تو آئیں، آپ لوگ تو ویسے بھی خیبرپختونخوا نہیں آتے۔

یہ بھی پڑھیں: علیزہ شاہ نے رمضان المبارک میں اپنی زندگی میں تبدیلی کا اہم اعلان کردیا

ایمان مزاری کی خدمات

وکیل ایمان مزاری عطاء اللہ کنڈی ایڈووکیٹ نے کہا کہ ایمان مزاری خیبرپختونخوا اور بلوچستان کے مظلوم لوگوں کی آواز ہے۔

عدالت کا فیصلہ

عدالت نے ایمان مزاری اور ہادی علی چھٹہ کو 9 اکتوبر تک راہداری ضمانت دے دی۔