24 گھنٹے کے دوران اسلام آباد اور راولپنڈی میں ڈینگی کے 54 نئے کیسز رپورٹ

ڈینگی کیسز میں اضافہ

اسلام آباد(ڈیلی پاکستان آن لائن) اسلام آباد اور راولپنڈی میں ڈینگی کیسز میں اضافہ ہوگیا۔ گزشتہ 24 گھنٹے کے دوران دونوں شہروں میں مجموعی طور پر 54 نئے مریض رپورٹ ہوئے۔

یہ بھی پڑھیں: پاکستان کے ہتھیاروں کے لیے بھاری مالی مدد دی، سعودی عرب کے پاس پہلے ہی کئی بم ہیں، امریکی ماہر Duane Clarridge کا پرانا انٹرویو وائرل

راولپنڈی میں صورتحال

نجی ٹی وی سما نیوز کے مطابق محکمہ صحت کا کہنا ہے کہ راولپنڈی میں 24 گھنٹے کے دوران مزید 23 افراد میں ڈینگی وائرس کی تشخیص ہوئی۔ راولپنڈی میں جولائی سے اب تک مریضوں کی تعداد 511 تک جا پہنچی ہے۔ رواں برس مجموعی طور پر 523 مریض سامنے آئے جن میں 60 افراد مختلف ہسپتالوں میں زیر علاج ہیں۔

اسلام آباد میں نئے کیسز

ادھر اسلام آباد میں 24 گھنٹے کے دوران ڈینگی کے 31 نئے کیسز رپورٹ ہوئے، جن میں 22 دیہی اور 9 شہری علاقوں سے سامنے آئے۔ بھارہ کہو سے 6، روات سے 4 اور ترائی سے 3 مریض رپورٹ ہوئے۔ علی پور، سوہان، سہالہ، ترنول اور بی سترہ سے دو دو کیسز جبکہ جی ایٹ، جی سیون، جی فورٹین، ایف سیون، ای الیون، ایف الیون، آئی فورٹین اور کورال سے ایک ایک کیس رپورٹ ہوا۔ رواں سیزن میں اسلام آباد سے مجموعی طور پر سات سو بیس مریض سامنے آچکے ہیں.