بھارتی کرکٹ بورڈ نے فرحان اور حارث کے خلاف آئی سی سی میں شکایت درج کرادی

دبئی(ڈیلی پاکستان آن لائن) ایشیا کپ میں پاک بھارت ٹاکرے ایک بار پھر میدان سے زیادہ تنازعات میں گھر گئے ہیں۔ بھارتی میڈیا اور بی سی سی آئی کی طرف سے پاکستانی کھلاڑیوں کے خلاف شکایات اور پروپیگنڈے کی بوچھاڑ نے یہ ثابت کر دیا کہ بھارت کھیل کو کھیل نہیں بلکہ سیاست اور دشمنی کا میدان سمجھتا ہے۔

یہ بھی پڑھیں: قاضی فائز عیسیٰ نے منفرد اعزاز اپنے نام کرلیا

کھلاڑیوں کی جانب سے جشن

نجی ٹی وی چینل آج نیوز کے مطابق سپرفور میچ میں صاحبزادہ فرحان کی نصف سنچری پر منفرد انداز میں خوشی منانے اور حارث رؤف کے ہاتھ کے اشارے کو بھارت نے برداشت نہ کیا۔

????THE BCCI LODGES COMPLAINT????

- The BCCI has lodged an official complaint against Haris Rauf & Sahibzada Farhan

- The BCCI demands strict actions from the match referee Andy Pycroft against both for provocative behaviour

- What's your take???? #INDvPAK pic.twitter.com/XkeDWtKA9R

— Richard Kettleborough (@RichKettle07) September 25, 2025

بھارتی کرکٹ بورڈ (بی سی سی آئی) نے دونوں پاکستانی کھلاڑیوں کی حرکات کو اشتعال انگیز قرار دیتے ہوئے ان کے خلاف آئی سی سی کو شکایت درج کرا دی ہے۔

Sahibzada Farhan hunting Rafale and Indian cricket team. pic.twitter.com/Qdo0RrZYWa

— Azlan (@azlanxz) September 21, 2025

بھارتی بورڈ کے مطابق حارث رؤف نے بھارتی فوج کی ناکام کارروائیوں اور طیارے کی تباہی کا مذاق اڑایا اور فرحان نے اپنے بلے کو بندوق کے طور پر استعمال کرتے ہوئے جشن منایا۔

یہ بھی پڑھیں: پاکستان اور ہنگری نے سفارتی پاسپورٹ رکھنے والوں کے لیے ویزا کی شرط کو باہمی طور پر ختم کرنے پر بھی اتفاق کرلیا۔

محسن نقوی کا بیان

اس کے علاوہ جلے پر نمک چھڑکتے ہوئے ایشین کرکٹ کونسل کے صدر اور پی سی بی کے سربراہ محسن نقوی نے بدھ کو ایکس پر کرسٹیانو رونالڈو کی ایک سلو موشن ویڈیو پوسٹ کی، جس میں پرتگالی لیجنڈ اشارہ کرتے ہوئے نظر آ رہے ہیں کہ جیسے کوئی طیارہ اچانک گر کر تباہ ہو گیا ہو۔

اس سے قبل پاکستانی کرکٹ بورڈ بھی بھارت کے دوہرے معیار کو دنیا کے سامنے رکھ چکا ہے اور ستمبر کو کھیلے گئے میچ سوریہ کمار یادیو کی کھلی سیاسی بیان بازی پر آئی سی سی کو شکایت درج کرائی گئی ہے۔

سوریہ نے اپنی جیت کو بھارتی فوجی آپریشن سے منسوب کر کے کرکٹ کو سیدھا سیاست سے جوڑا، جو کھیل کے قوانین کے سراسر خلاف ہے۔

یہ بھی پڑھیں: تحریک انصاف کے اہم رہنما کو جیل سے رہائی کے بعد پھر گرفتار کر لیا گیا

پاکستانی کرکٹ بورڈ کا مؤقف

پی سی بی کا مؤقف ہے کہ بھارت کھلاڑیوں کے جذباتی جشن کو تو نشانہ بناتا ہے لیکن اپنی فوجی کاروائیوں کو کھیل سے جوڑنے والوں پر آنکھیں بند کر لیتا ہے۔

ماہرین کے مطابق یہ بھارت کی پرانی عادت ہے کہ جب بھی پاکستان کسی کھیل یا سفارتی میدان میں نمایاں ہوتا ہے، بھارتی میڈیا اور بی سی سی آئی بے بنیاد الزامات کے ذریعے ماحول کو خراب کرنے کی کوشش کرتے ہیں۔

یہ بھی پڑھیں: سول نافرمانی کی تحریک پر بانی پی ٹی آئی سے مشاورت ہوئی ہے، علی امین گنڈا پور

سوشل میڈیا پر مہم

اسی سلسلے میں سوشل میڈیا پر بھی بھارتی پراپیگنڈہ مشینری متحرک ہے اور پاکستان مخالف مہم چلائی جا رہی ہے۔

پاکستانی عوام اور سوشل میڈیا صارفین نے واضح کیا ہے کہ حارث اور فرحان کے اشارے بھارتی جارحیت اور ماضی کی ذلت آمیز شکستوں کی یاد دہانی تھے، جسے بھارت کبھی برداشت نہیں کر سکتا۔

عوام کا ردعمل

عوام کا کہنا ہے کہ بی سی سی آئی کی شکایت دراصل بھارتی کمزوری اور پاکستان کے خوف کا اظہار ہے۔

واضح رہے کہ اس سے قبل بھی بھارت نے ہر بڑے ایونٹ میں پاکستان کے خلاف سیاسی حربے استعمال کیے ہیں۔ چاہے وہ ویزا مسائل ہوں، ہوم گراؤنڈ پر کھیلنے کی مخالفت ہو یا اب آئی سی سی میں شکایات، بھارت کا مقصد ہمیشہ پاکستان کو دباؤ میں لانا رہا ہے۔