پاکستان اسٹاک مارکیٹ تاریخی بلندیوں پر، ایک لاکھ 60 ہزار پوائنٹس کی حد بھی عبور

پاکستان سٹاک مارکیٹ میں مثبت رجحان

کراچی(ڈیلی پاکستان آن لائن) پاکستان سٹاک مارکیٹ میں مثبت رجحان کا سلسلہ برقرار ہے۔ ہنڈرڈ انڈیکس پہلی بار ایک لاکھ 60 ہزار پوائنٹس کی حد عبور کر گیا۔

یہ بھی پڑھیں: ای ٹیکسی کے فنانشل ماڈل کی اصولی منظوری، جناح ٹرمینل تا ہربنس پورہ ییلو لائن پراجیکٹ پر جلد کام شروع کرنے کا حکم

مارکیٹ کی صورتحال

نجی ٹی وی چینل دنیا نیوز کے مطابق کاروباری ہفتے کے پانچویں اور آخری روز کاروبار کے آغاز پر سٹاک ایکسچینج میں زبردست تیزی دیکھنے میں آئی۔ 1100 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 60 ہزار 465 پوائنٹس کی بلند ترین سطح پر پہنچ گیا۔

پچھلے کاروباری دن کی معلومات

واضح رہے کہ گزشتہ کاروباری دن کے اختتام پر ہنڈرڈ انڈیکس 1043 پوائنٹس اضافے سے پہلی بار ایک لاکھ 59 ہزار 280 پوائنٹس کی ریکارڈ حد پر بند ہوا تھا۔