پاک بھارت فائنل سے قبل اہم خبر، ٹکٹوں کی فروخت پر زبردست آفر لگ گئی

پاکستان اور بھارت کا دوبارہ مقابلہ

دبئی(ڈیلی پاکستان آن لائن)ایشیا کپ میں پاکستان اور بھارت تیسری بار آمنے سامنے آنے کیلئے تیار ہیں۔ ٹورنامنٹ کا فائنل اتوار، 28 ستمبر کو دبئی انٹرنیشنل سٹیڈیم میں کھیلا جائے گا۔

یہ بھی پڑھیں: میرا مقصد سینیٹر بننا نہیں بلکہ اشرافیہ کا تکبر پاش پاش کرنا تھا: سینیٹ نشست دستبردار ہونے سے انکاری پی ٹی آئی رہنما خرم ذیشان کا پیغام

کرکٹ شائقین کی بے چینی

سیاسی کشیدگی کے باوجود دونوں ممالک کے کرکٹ شائقین بڑے مقابلے کیلئے بےتاب ہیں اور بڑی تعداد میں ٹکٹ حاصل کرنے کی کوشش کر رہے ہیں۔

یہ بھی پڑھیں: سیز فائر پر بھارتی وزیر خارجہ کا بیان بھی آگیا

ٹکٹوں کی دستیابی

خلیج ٹائمز کے مطابق فائنل مقابلے کے لیے میچ کے ٹکٹوں کی فروخت کا سلسلہ جاری ہے اور جمعہ، 26 ستمبر تک پلاٹینم لسٹ کی ویب سائٹ پر ہائی سٹینڈ کے ٹکٹ 350 درہم میں دستیاب ہیں، جبکہ ہاسپیٹیلٹی پاسز کی قیمت 1500 درہم سے شروع ہو رہی ہے۔

یہ بھی پڑھیں: علامہ اقبال اور ایما: عشق یا سادگی کی انتہا؟

پروموشن سکیم

رپورٹ کے مطابق منتظمین نے ایک پروموشن سکیم کا اعلان بھی کیا ہے جس کے تحت شائقین تین پریمیم ٹکٹ دو کی قیمت میں حاصل کر سکتے ہیں یعنی (دو ٹکٹ خریدیں، ایک مفت پائیں کی پیشکش سے فائدہ اٹھا سکیں گے) تاکہ آخری لمحات میں بھی زیادہ سے زیادہ لوگ اس یادگار مقابلے کا حصہ بن سکیں۔

یہ بھی پڑھیں: بیٹے کی ہاؤسنگ سکیم اور اکاؤ نٹ میں 49ارب روپے کی موجودگی کی افواہوں پر مولانا طارق جمیل کی وضاحت آگئی

کشیدہ تعلقات کا اثر

ایشیا کپ 2025 کا انعقاد ایسے وقت میں ہو رہا ہے جب بھارت اور پاکستان کے درمیان تعلقات کشیدہ ہیں جبکہ ان کشیدہ حالات کا اثر کرکٹ میدان میں بھی دیکھنے کو ملا ہے۔ دونوں ٹیموں کے ابتدائی دو میچوں میں کھلاڑیوں نے میچ کے بعد مصافحہ کرنے سے انکار کیا تھا۔

یہ بھی پڑھیں: الیکشن کمیشن کی سیاسی جماعتوں کو گوشوارے 29 اگست تک جمع کرانے کی ہدایت

تنازعات اور چیلنجز

پہلے میچ میں بھارتی کپتان سوریا کمار یادو پر سیاسی بات کرنے کا الزام لگا، جبکہ دوسرے میچ میں پاکستانی اوپنر صاحبزادہ فرحان اور فاسٹ باؤلر حارث رؤف کو جارحانہ انداز میں جشن منانے پر تنقید کا سامنا کرنا پڑا تھا۔

یہ بھی پڑھیں: حزب اللہ نے اسرائیلی وزیراعظم کے گھر پر حملے کی ذمہ داری قبول کرلی

ہیڈ کوچ کی ہدایت

ان تمام تنازعات کے باوجود قومی ٹیم کے ہیڈ کوچ مائیک ہیسن نے کھلاڑیوں کو کرکٹ پر توجہ دیں کی تلقین کی ہے۔

یہ بھی پڑھیں: کیا بھارتی کرکٹ میں مشہور کھلاڑیوں کا دور ختم ہو رہا ہے یا ان کا ‘آخری خواب’ حقیقت بنے گا؟

فائنل میں بھارت کی برتری

موجودہ فارم اور اعداد و شمار کو دیکھا جائے تو بھارت فائنل میں فیورٹ ہے۔ بھارت اس وقت آئی سی سی رینکنگ میں بھی سرفہرست ہے۔ دونوں ٹیموں کے درمیان اب تک کے میچز میں بھارت کا پلڑا بھاری رہا ہے۔

یہ بھی پڑھیں: وزیراعلیٰ علی امین گنڈاپور نے خواجہ سرا ڈولفن ایان کی نازیبا ویڈیو وائرل ہونے کے معاملے پر بڑا قدم اٹھالیا

پاکستان کی پچھلی کارکردگی

پہلے میچ میں پاکستان نے صرف 127 رنز پر 9 وکٹیں گنوائیں تھی، جس کا بھارت نے تین وکٹوں کے نقصان پر آسانی سے تعاقب کیا تھا۔ دوسرے میچ میں پاکستان کی کارکردگی بہتر رہی، تاہم وہ پھر بھی چھ وکٹوں سے شکست سے نہ بچ سکا۔

کوچ کا اعتراف

کوچ مائیک ہیسن نے اعتراف کیا کہ بھارت کو ہرانا آسان نہیں ہوگا۔ ان کے بقول ہمیں بھارت کو زیادہ دیر تک دباؤ میں رکھنا ہوگا کیوں کہ وہ دنیا کی نمبر ون ٹیم ہے اور یہی ہمارا اصل چیلنج ہے۔