تحریک انتشار کا اصل مقصد لاشیں گرانا تھا: وزیر اطلاعات کی حیران کن بات

وزیر اطلاعات کی پریس کانفرنس

اسلام آباد (ڈیلی پاکستان آن لائن) وفاقی وزیر اطلاعات و نشریات عطا تارڑ نے کہا ہے کہ تحریک انتشار نے جو احتجاج کی کال دی تھی اس کا مقصد تھا کہ لاشیںگریں۔

یہ بھی پڑھیں: واضح کردوں دونوں ججز نے خود بنچ سے علیحدگی اختیار کی، 2 ممبران کی خواہش پر 11 رکنی بنچ تشکیل دیا گیا، جسٹس امین الدین کا فیصل صدیقی کے اعتراض پر جواب

تحریک انتشار کا مقصد

عطا تارڑ نے اسلام آباد میں میڈیا سے گفتگو کرتے ہوئے کہا کہ سمجھ سے باہر ہے تحریک انتشار نے جو احتجاج کی کال دی تھی اس کا مقصد کیا تھا۔ ملک میں انتشار پھیلا کر یہ لوگ کیا پیغام دینا چاہتے ہیں؟

یہ بھی پڑھیں: تعلیمی ادارے پانچ دن بند رکھنے کا اعلان

وزیر اطلاعات کا موقف

وزیر اطلاعات نے زور دیا کہ ان لوگوں کا مقصد تھا کہ لاشیں گریں، سسٹم کو ڈی ریل کیا جائے، ملک میں عدم استحکام پھیلانے کےلئے اس طرح کے واقعات کئے جاتے ہیں۔ یہ صرف ترقی کے سفر کو سبوتاژ کرنا چاہتے ہیں جبکہ حکومت کی معاشی پالیسی کے ادارے بھی معترف ہیں۔

حکومت کی کامیابی

انہوں نے کہا کہ لیکن حکومت نے ان کی سازش ناکام بنادی، پولیس نے مظاہرین کو ہاتھ تک نہیں لگایا، لیکن پی ٹی آئی والوں نے پولیس اہلکار کو اغوا کرکے تشدد کا نشانہ بناکر شہید کردیا。