پنجاب کابینہ کمیٹی برائے امن و امان کا اجلاس، پاک ساؤتھ افریقہ کرکٹ سیریز کی سیکیورٹی کے لیے جامع پلان تیار

کابینہ کمیٹی برائے امن و امان کا 36 واں اجلاس

لاہور (ڈیلی پاکستان آن لائن) محکمہ داخلہ پنجاب میں کابینہ کمیٹی برائے امن و امان کا 36 واں اجلاس ہوا جس کی صدارت صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے کی۔ اجلاس میں صوبائی وزیر قانون ملک صہیب احمد بھرتھ نے خصوصی شرکت کی جبکہ سیکرٹری داخلہ ڈاکٹر احمد جاوید قاضی اور قانون نافذ کرنے والے اداروں نے امن و امان کی صورتحال کے بارے میں بریفنگ دی۔

یہ بھی پڑھیں: واٹس ایپ نے ایک نئے جدید فیچر کو متعارف کروا دیا ، صارفین کا اہم مسئلہ حل ہو گیا

کرسٹ ٹیم کی سیکیورٹی انتظامات

کابینہ کمیٹی کے اجلاس میں ساؤتھ افریقہ کرکٹ ٹیم کے دورۂ پاکستان کے حوالے سے فول پروف سیکیورٹی انتظامات کا جائزہ لیا گیا۔ اجلاس کے دوران پنجاب کے 7 اضلاع قصور، راجنپور، ڈی جی خان، وہاڑی، حافظ آباد، مری اور سیالکوٹ میں 36 پرائس کنٹرول مجسٹریٹس کی تعیناتی کی منظوری دی گئی۔ صوبائی وزیر صحت و چیرمین کابینہ کمیٹی برائے امن و امان خواجہ سلمان رفیق نے اجلاس سے خطاب میں کہا کہ مذہبی ہم آہنگی اور امن و امان کی صورتحال یقینی بنانے کیلئے محکمہ داخلہ کی جانب سے خصوصی کمیٹی کی تشکیل انتہائی خوش آئند ہے۔

یہ بھی پڑھیں: وزیر داخلہ محسن نقوی سے بیجنگ پولیس ڈیپارٹمنٹ کے اعلیٰ سطح کے وفد کی ملاقات، اشتراک کار بڑھانے پر اتفاق

سیکیورٹی پلان اور مہمان ٹیم کی وی وی آئی پی اسٹیٹس

خواجہ سلمان رفیق نے کہا کہ پاک ساؤتھ افریقہ کرکٹ سیریز کیلئے جامع سیکیورٹی پلان مرتب کیا گیا ہے اور مہمان ٹیم کو وی وی آئی پی اسٹیٹس دیا جائے گا۔ انہوں نے مزید کہا کہ پنجاب بھر میں امن و امان کی صورتحال تسلی بخش ہے اور وزیراعلیٰ پنجاب کی ہدایت کے مطابق قانون نافذ کرنے والے ادارے دن رات مصروف عمل ہیں۔ قیدیوں کی پیرول پر رہائی کیلئے رولز کو مزید موثر اور قابل عمل بنا رہے ہیں۔

یہ بھی پڑھیں: مودی کے اندازے غلط، پاکستان کو واضح برتری ملی: جنوبی ایشیا کی تاریخی تبدیلی رپورٹ کا اجرا

پرائس کنٹرول مجسٹریٹس کی کارکردگی

اجلاس سے خطاب میں صوبائی وزیر قانون ملک صہیب احمد بھرتھ نے کہا کہ کمیٹی کے اگلے اجلاس میں پرائس کنٹرول مجسٹریٹس کی کارکردگی کا جائزہ لیا جائے گا۔ وزیر قانون نے ہدایت کی کہ مستقبل میں ہونے والے کرکٹ میچز کے انتظامات کیلئے پی سی بی سے کوآرڈی نیشن مزید بہتر بنائی جائے۔

اجلاس میں شرکت کرنے والے اہم افراد

کابینہ کمیٹی کے اجلاس میں سیکرٹری داخلہ پنجاب ڈاکٹر احمد جاوید قاضی، ایڈیشنل آئی جی پولیس چوہدری سلطان، سپیشل سیکرٹری داخلہ فضل الرحمان، ایڈیشنل آئی جی سپیشل برانچ، ڈی آئی جی سی ٹی ڈی، ڈی جی پروبیشن اینڈ پیرول، ایڈیشنل سیکرٹری انٹرنل سیکیورٹی، ایڈیشنل سیکرٹری پولیس، ایڈیشنل سیکرٹری جوڈیشل محکمہ داخلہ اور متعلقہ حکام نے شرکت کیا۔ اسی طرح راولپنڈی اور فیصل آباد سے کمشنرز، ڈپٹی کمشنرز، آر پی اوز اور ڈی پی اوز نے ویڈیو لنک کے ذریعے اجلاس میں شرکت کی۔