گورنر خیبرپختونخوا آج نومنتخب وزیراعلیٰ سہیل آفریدی سے حلف لیں گے

گورنر خیبرپختونخوا فیصل کریم کنڈی کی پشاور آمد

پشاور (ڈیلی پاکستان آن لائن) — چیئرمین پاکستان پیپلزپارٹی بلاول بھٹو زرداری کی ہدایت پر گورنر خیبرپختونخوا فیصل کریم کنڈی پشاور پہنچ گئے۔

یہ بھی پڑھیں: جنوبی وزیرستان: مغوی پولیس اہلکاروں کی لاشیں مل گئیں

نومنتخب وزیر اعلیٰ سہیل آفریدی سے حلف برداری

نجی ٹی وی چینل دنیا نیوز کے مطابق گورنر کے پی فیصل کریم کنڈی آج نومنتخب وزیر اعلیٰ سہیل آفریدی سے ان کے عہدے کا حلف لیں گے۔ حلف برداری تقریب گورنر ہاؤس پشاور میں شام 4 بجے ہوگی۔

یہ بھی پڑھیں: ایک کی سڑک پر اور دوسرے کی پارٹی آفس میں فحش حرکات، بھارتی حکمران جماعت بی جے پی کے دو رہنماؤں کی غیراخلاقی ویڈیوز وائرل ہوگئیں۔

گورنر کا بیان

قبل ازیں گورنر خیبرپختونخوا فیصل کریم کنڈی نے میڈیا سے گفتگو کرتے ہوئے کہا کہ سہیل آفریدی سے حلف لینے کے لیے پشاور آ رہا ہوں، کبھی بھی حلف لینے سے انکار نہیں کیا، آئین کے مطابق معاملات چلانا میری ذمہ داری ہے۔ سرکاری دورہ مکمل کرنے کے بعد مجھے ویسے بھی پشاور آنا تھا۔

یہ بھی پڑھیں: پہلگام حملہ، بھارتی یوٹیوبر دھرو راٹھی نے مودی حکومت کے فالس فلیگ آپریشن کو بے نقاب کردیا

آئینی فرض کی ادائیگی

انہوں نے مزید کہا کہ میرا جو آئینی فرض ہے وہ ادا کروں گا، بلاول بھٹو سے کان میں ہونے والی باتیں آپ کو نہیں بتا سکتا۔

یہ بھی پڑھیں: بار ایسوسی ایشنز کو پیسوں سے لاد دیا گیا، بحالی کی تحریک زور پکڑنے لگی تو پنجاب کے وکلاء کو بھی حکومت نے ساتھ ملایا، صاحب اس مہم کے بھی انچارج تھے۔

حلف برداری کی تقریب کی تیاریاں

دوسری جانب گورنر ہاؤس پشاور میں تقریب حلف برداری کی تیاریاں جاری ہیں، آج سہیل آفریدی سے گورنر ہاؤس خیبرپختونخوا میں حلف لیا جائے گا۔

پشاور ہائیکورٹ کا حکم

یاد رہے کہ گزشتہ روز پشاور ہائیکورٹ نے گورنر کے پی فیصل کریم کنڈی کو آج شام چار بجے تک حلف لینے کا حکم دیا ہے، اور کہا کہ اگر گورنر دستیاب نہیں تو صوبائی اسمبلی کے سپیکر حلف لیں۔