آئی سی سی ویمنز ورلڈ کپ میں پاکستان اور انگلینڈ کا میچ بارش کے باعث ختم کر دیا گیا، گرین شرٹس سیمی فائنل کے دوڑ سے باہر

پاکستان اور انگلینڈ کا میچ بارش کے باعث ختم

کو لمبو(ڈیلی پاکستان آن لائن)آئی سی سی ویمنز ورلڈکپ میں پاکستان اور انگلینڈ کا میچ بارش کے باعث ختم کر دیا گیا جس کے ساتھ ہی گرین شرٹس ایونٹ میں سیمی فائنل کی دوڑ سے باہر ہوگئے۔ کولمبو میں کھیلے گئے میچ میں پاکستان ویمنز ٹیم نے ٹاس جیت کر انگلینڈ کو بیٹنگ کی دعوت دی۔

یہ بھی پڑھیں: شہباز گل کے خلاف سوشل میڈیا پر نامناسب ویڈیو شئیر کرنے پر مقدمہ درج

انگلینڈ کی بیٹنگ لائن کا زوال

پاکستان کی شاندار بولنگ کے سامنے انگلش ٹیم کی بیٹنگ لائن لڑ کھڑا گئی اور صرف 78 کے مجموعی اسکور پر 7 وکٹیں گرگئیں۔ تاہم بارش کے باعث میچ متاثرہ ہوا اور اسے 31 اوور فی اننگز تک محدود کیا گیا۔ جس میں انگلینڈ نے مقررہ اوورز میں 9وکٹ پر 133 رنز بنائے۔

یہ بھی پڑھیں: لاہور سے اغوا امریکی شہریت کی حامل لڑکی جھنگ سے بازیاب، ملزم گرفتار

پاکستان کی بولنگ کی بہترین کارکردگی

پاکستان کی جانب سے فاطمہ ثنا نے 27 رنز کے عوض 4 وکٹیں حاصل کیں جبکہ سعدیہ اقبال نے 2، ڈیانا بیگ اور رامین شمیم نے ایک ایک وکٹ لی۔ بارش سے متاثرہ میچ میں پاکستان کو ڈرک ورتھ لوئس میتھڈ کے تحت 113 رنز کا ہدف ملا۔

بارش کے سبب میچ کا اختتام

ہدف کے تعاقب میں پاکستان ویمنز ٹیم نے 6.4 اوورز میں بغیر نقصان کے 34 رنز بنالیے تھے کہ بارش کی وجہ سے میچ کو پھر روکا گیا اور بعد ازاں میچ بغیر کسی نتیجے کے ختم کر دیا گیا۔