وزیر مملکت داخلہ طلال چودھری کو فون پر دھمکیاں دینے والا مذہبی جماعت کا کارکن گرفتار
وزیر مملکت داخلہ کو دھمکیاں دینے والا گرفتار
اسلام آباد (ڈیلی پاکستان آن لائن) وزیر مملکت داخلہ طلال چودھری کو فون پر دھمکیاں دینے والے مذہبی جماعت (ٹی ایل پی) کے کارکن کو پولیس نے گرفتار کرلیا ہے۔ ملزم ثاقب کا تعلق منانوالہ گاؤں سے ہے۔
یہ بھی پڑھیں: جنوبی وزیرستان کے 12 شہداء نے اپنے لہو سے امن کی قیمت ادا کی، قوم سلام پیش کرتی ہے: وزیر اعلیٰ مریم نواز
دورانِ تفتیش اعتراف
میڈیا رپورٹس کے مطابق ملزم نے دورانِ تفتیش اعتراف کیا ہے کہ اس نے یہ قدم مذہبی جماعت کے بعض عہدیداروں کی ہدایت پر اٹھایا۔ مذہبی جماعت کے مقامی عہدیداروں نے اسے وزیر مملکت برائے داخلہ طلال چودھری کا فون نمبر فراہم کیا اور کہا کہ انہیں دھمکیاں دیں۔
یہ بھی پڑھیں: چیئرمین جوائنٹ چیفس آف سٹاف کمیٹی جنرل ساحر شمشاد کی صدر اور وزیراعظم سے الوداعی ملاقاتیں
ملزم کی معافی
’’وی نیوز‘‘ کے مطابق اپنے بیان میں ملزم نے کہا کہ اسے اپنی غلطی کا احساس ہے اور وہ طلال چودھری سمیت پوری قوم سے معذرت خواہ ہے۔ اس نے سوشل میڈیا صارفین سے اپیل کی کہ افواہیں پھیلانے سے گریز کریں اور امن و بھائی چارے کو فروغ دیں۔
یہ بھی پڑھیں: جوئے کی تشہیر، سسڑالوجی چینل کی اقرا کنول، انس علی اور مدثر حسن کو نوٹسز جاری
سوشل میڈیا رائے
طلال چوھدری کو دھمکیاں TLP کی قیادت نے دلوائیں انہوں نے ھی طلال چوھدری کا نمبر شیئر کیا تھا۔
یہ کہاں کے مسلمان ہیں جو اپنے بچوں سے نہیں دوسروں کے بچوں سے جان سے مارنے کی دھمکی دلواتے ہیں؟ pic.twitter.com/43DnFcrlTV— بِٹــــــــــــــــــــــــو ???????? (@BIT0420) October 16, 2025
پولیس کی انکوائری
ملزم نے ایک ویڈیو پیغام میں کہا کہ وہ اپنی حرکت پر نادم ہے اور قوم سے معافی مانگتا ہے۔ پولیس نے واقعے کی مزید تفتیش شروع کر دی ہے، جبکہ متعلقہ حکام نے کہا ہے کہ کسی کو بھی نفرت یا دھمکی کے ذریعے سیاسی قیادت کو نشانہ بنانے کی اجازت نہیں دی جائے گی۔
