شیخوپورہ میں ’’دھی رانی پروگرام ‘‘ کے تحت 150 جوڑوں کی شادی کی تقریب، وزراء اور اہم شخصیات کی شرکت

شیخوپورہ میں پنجاب دھی رانی پروگرام

لاہور ( ڈیلی پاکستان آن لائن ) وزیراعلیٰ پنجاب مریم نواز کے پنجاب دھی رانی پروگرام کی تقریب شیخوپورہ میں ہوئی۔

یہ بھی پڑھیں: لگژری گاڑیاں، سونا، اربوں کی جائیدادیں، کوہستان کرپشن کیس میں نئے انکشافات، بڑے نام بے نقاب

شرکاء کی تفصیلات

تقریب میں صوبائی وزیر سوشل ویلفیئر اینڈ بیت المال سہیل شوکت بٹ نے خصوصی شرکت کی۔ اراکین صوبائی اسمبلی رانا حسن ریاض، پیر اشرف رسول، سیکرٹری سوشل ویلفیئر، ڈپٹی کمشنر شاہد عمران مارتھ، سیاسی و سماجی رہنماؤں اور دولہا دلہن کے عزیز و اقارب نے بھی شرکت کی۔

یہ بھی پڑھیں: مشہور یوٹیوبر رجب بٹ اور ندیم نانی والا برطانیہ سے اسلام آباد پہنچ گئے۔

پروگرام کا آغاز

پروگرام کا آغاز تلاوت قرآن پاک اور نعت رسول مقبول صلی اللہ علیہ وآلہ وسلم سے ہوا۔ تقریب میں 150 جوڑوں کی اجتماعی شادی کا اہتمام کیا گیا، جس میں ضلع شیخوپورہ سے تعلق رکھنے والے 142 مسلم اور 8 عیسائی نوبیاہتے جوڑوں نے شرکت کی۔

یہ بھی پڑھیں: پنجاب حکومت نے مصدقہ معلومات کیلئے ڈی جی پی آر آفس میں کنٹرول روم قائم کر دیا

نوبیاہتہ جوڑوں کے لیے امداد

صوبائی وزیر سہیل شوکت بٹ اور دیگر وزراء نے نوبیاہتہ جوڑوں کو وزیراعلیٰ پنجاب مریم نواز کی طرف سے مبارکباد دی اور نیک خواہشات کا اظہار کیا۔ وزیراعلیٰ پنجاب کی جانب سے دھی رانی سلامی کارڈ کے ذریعے ہر جوڑے کو 2 لاکھ روپے کی مالی امداد دی گئی۔

یہ بھی پڑھیں: انتظامی مسائل کے باعث 3 پروازیں منسوخ، 17 تاخیر کا شکار

پنجاب دھی رانی پروگرام کی اہمیت

صوبائی وزیر سہیل شوکت بٹ نے کہا کہ پنجاب دھی رانی پروگرام ایک تاریخی اقدام ہے اور اس انقلابی پروگرام کو ہمیشہ یاد رکھا جائے گا۔ وزیراعلیٰ پنجاب مریم نواز کی جانب سے جوڑوں کو تحائف دیے جا رہے ہیں اور یہ پروگرام عوام کی خدمت کے جذبے کی عکاسی کرتا ہے۔ وزیراعلیٰ پنجاب اپنی بیٹیوں کے لیے شفیق ماں کا کردار ادا کر رہی ہیں اور ہر کام اللہ تعالیٰ کی رضا اور میرٹ کے مطابق کر رہی ہیں۔ والدین اپنی بیٹیوں کا شرعی فریضہ پورا کر رہے ہیں جبکہ وزیراعلیٰ پنجاب ان کے ساتھ شفیق ماں کی طرح کھڑی ہیں۔

تقریب کا اختتام

تقریب کے اختتام پر دولہا دلہن اور شرکاء کے لیے ظہرانہ اور خصوصی دعا کا بھی اہتمام کیا گیا۔