افغانستان کسی ایسے ملک کے ہاتھوں استعمال نہ ہو جو پہلے ہی پاکستان کے اندر ہشت گردوں کو تعاون فراہم کر رہا ہے، شاہد آفریدی

شاہد آفریدی کی افغانستان سے درخواست

کراچی (ڈیلی پاکستان آن لائن) پاکستان کرکٹ ٹیم کے سابق کپتان اور اسٹار آل راؤنڈر شاہد خان آفریدی کا کہنا ہے کہ افغانستان کسی ایسے ملک کے ہاتھوں استعمال نہ ہو جو پہلے ہی پاکستان کے اندر ہشت گردوں کو تعاون فراہم کر رہا ہے۔

یہ بھی پڑھیں: ایس اکیڈمی کے بلال نے حیران کن فتح حاصل کی، ابو بکر نے سیمی زیب کو شکست دی

پاکستان کی افغان بھائیوں کے لئے حمایت

سماجی رابطے کی ویب سائٹ ایکس (سابقہ ٹوئٹر) پر جاری اپنے بیان میں انہوں نے کہا کہ پاکستان ہمیشہ اپنے افغان بھائیوں کے ساتھ کھڑا رہا، افغانوں کی مشکلات کو اپنی مشکل سمجھا۔ شاہد آفریدی نے کہا کہ پاکستان نے اپنی سرحدیں اپنے بھائیوں کے لیے کھول دیں، 40 لاکھ مہاجرین کو اپنی سرزمین پر بسایا، میں ذاتی طور پر اپنے وسائل کے مطابق 350 افغان گھرانوں کی دیکھ بھال کرتا ہوں۔

افغانستان کی جارحیت اور پاکستان کا جواب

سابق کپتان پاکستان ٹیم نے کہا کہ انتہائی افسوس سے کہنا پڑتا ہے کہ گزشتہ دنوں افغانستان نے ان تمام احسانات کو فراموش کرتے ہوئے سرحدوں پر کھلی جارحیت کی، جس کا ہماری افواج نے بھرپور جواب دیا۔ شاہد آفریدی نے یہ بھی کہا کہ افغانستان کو سوچنا چاہیے کہ پاکستان اُس کا برادر اسلامی ملک ہے، لہذا کسی ایسے ملک کے ہاتھوں استعمال نہ ہو جو پہلے ہی پاکستان کے اندر دہشت گردوں کو تعاون فراہم کر رہا ہے۔