حکومت کسی بھی مسجد کو بند کرنے کا ارادہ نہیں رکھتی: محکمۂ داخلہ پنجاب

لاہور میں اہم ملاقات

لاہور (ڈیلی پاکستان آن لائن) پنجاب کے انتظامی و پولیس افسران کی اہلسنت و الجماعت کے اکابرین سے لاہور میں ملاقات ہوئی، جس میں صوبے میں مدارس و مساجد کی تنظیم اور دیکھ بھال کے بارے میں تفصیلی مشاورت کی گئی۔

یہ بھی پڑھیں: سپریم کورٹ؛14نومبر کو آئینی بینچ کے سامنے 18 مقدمات سماعت کیلئے مقرر،کازلسٹ جاری

ملاقات کے شرکاء

ترجمان محکمۂ داخلہ پنجاب کا کہنا ہے کہ ملاقات میں علامہ مظفر شاہ، مفتی عابد مبارک، مفتی رفیع الرحمٰن، محمد عبدالمصطفیٰ، علامہ اشرف گورمانی شریک تھے۔ ملاقات میں پنجاب میں مدارس و مساجد کی تنظیم اور دیکھ بھال کے بارے میں تفصیلی مشاورت ہوئی۔

یہ بھی پڑھیں: مبینہ اغوا کیس کی مزید پیروی نہیں کرنا چاہتی ہیں، کیس واپس لیتی ہوں، ٹک ٹاکر سامعہ حجاب نے عدالت میں بیان جمع کروا دیا

حکومت پنجاب کا موقف

محکمۂ داخلہ پنجاب کے ترجمان نے کہا ہے کہ علمائے کرام کو بتایا گیا کہ حکومتِ پنجاب صوبے میں کسی بھی مسجد کو بند کرنے کا ارادہ نہیں رکھتی۔ علماء کے وفد نے پنجاب میں تمام مکاتبِ فکر کو مذہبی آزادی حاصل ہونے کا اعتراف کیا اور مسائل کے حل کے حوالے سے پنجاب حکومت کا طرزِ عمل حوصلہ افزاء قرار دیا۔ علماء نے ظلم اور فتنے کی بیخ کنی کے لیے باہمی سطح پر مؤثر اقدام کی ضرورت پر زور دیا۔

آگے کا راستہ

انتظامیہ اور علماء کے وفد نے باہمی رابطے میں تسلسل برقرار رکھنے پر اتفاق بھی کیا۔