دھی رانی پروگرام کا تیسرا مرحلہ، ضلع بہاولپور میں 174 مستحق جوڑوں کی اجتماعی شادیوں کی تقریب
دھی رانی پروگرام کا آغاز
بہاول پور (ڈیلی پاکستان آن لائن) وزیر اعلیٰ پنجاب مریم نواز کے "دھی رانی پروگرام" کے تحت امسال 5 ہزار سے زائد مستحق بیٹے بیٹیوں کی شادیاں کروائی جائیں گی۔
یہ بھی پڑھیں: سیلاب اور شدید موسم سے ترقیاتی نقصان بڑھ رہا ہے، پاکستان موسمیاتی تبدیلی سے متاثر دنیا کے 10 بڑے ممالک میں شامل ہے، احسن اقبال
اجتماعی شادیوں کی تقریب
یہ بات صوبائی وزیر سوشل ویلفیئر اینڈ بیت المال سہیل شوکت بٹ نے بہاولپور میں منعقدہ اجتماعی شادیوں کی تقریب میں بطور مہمان خصوصی تقریب سے خطاب کرتے ہوئے کہی۔ وزیر اعلیٰ پنجاب کے اجتماعی شادیوں کے انقلابی اقدام "دھی رانی پروگرام" کے تیسرے مرحلے میں ضلع بہاولپور سے تعلق رکھنے والے 174 مستحق جوڑوں کی اجتماعی شادیوں کی تقریب انجام پائی۔
یہ بھی پڑھیں: عالمی سطح پر یہ تاثر دینے کی کوشش کی جارہی ہے کہ حکومت اور اپوزیشن کا معاملہ ہے، اصل حکمران نیوٹرل ہیں: ثقلین امام
سلامی اور تحائف
تقریب میں وزیر اعلیٰ کی جانب سے ہر نوبیاہتا جوڑے کو 2 لاکھ روپے بطور سلامی پیش کیے گئے جبکہ اس سے قبل دلھا دلھن کا عروسی جوڑا بھی انہیں بطور تحفہ دیا گیا تھا۔ تقریب میں نوبیاہتا جوڑوں نے سلامی اور تحائف کی فراہمی پر وزیراعلیٰ پنجاب کا تہہ دل سے شکریہ ادا کیا۔
یہ بھی پڑھیں: آئندہ تمام نئی تعمیرات میں بجلی کی تاریں زیر زمین ہونگی، پرانی تاروں کو بھی مرحلہ وار انڈر گراؤنڈ کیا جائیگا: عظمیٰ بخاری
شرکت کرنے والے جوڑے
اجتماعی شادیوں کی تقریب میں شادی کے خوبصورت بندھن میں بندھنے والے جوڑوں میں کرسچن کمیونٹی سے تعلق رکھنے والے 6 جوڑے، ہندو کمیونٹی سے تعلق رکھنے والے 3 جوڑے اور 2 جوڑے افراد باہم معذوری بھی شامل تھے۔
یہ بھی پڑھیں: وزیراعلیٰ سندھ نے ملیر جیل سے فرار قیدیوں کے لیے اہم پیغام جاری کردیا
شرکاء کی تفصیلات
اجتماعی شادیوں کی تقریب میں رشتہ ازدواج سے منسلک ہونے والے نوبیاہتا جوڑوں میں 39 جوڑوں کا تعلق تحصیل بہاولپور سٹی سے، 42 جوڑوں کا تعلق تحصیل بہاولپور صدر سے، 37 جوڑوں کا تعلق تحصیل یزمان سے، 39 جوڑوں کا تعلق تحصیل احمدپور شرقیہ سے، 10 جوڑوں کا تعلق تحصیل حاصل پور سے اور 7 جوڑوں کا تعلق تحصیل خیرپور ٹامیوالی سے ہے۔
یہ بھی پڑھیں: حکومت کا سروسز چیفس کی مدت ملازمت 3 سے بڑھا کر 5 سال کرنے کا فیصلہ
مہمان خصوصی کی شرکت
تقریب میں رکن صوبائی اسمبلی سعدیہ بلال، ایڈیشنل سیکرٹری سوشل ویلفیئر آمنہ منیر، ڈپٹی کمشنر بہاولپور ڈاکٹر فرحان فاروق، ڈی پی او حسن اقبال، سابق پارلیمنٹیرینز افضل گل، فوزیہ ایوب قریشی نے بھی خصوصی شرکت کی۔
یہ بھی پڑھیں: پی ٹی آئی کا سیاسی احتجاج کے نام پر افواج کے سربراہ کو قتل کی دھمکیاں دینا ناقابلِ قبول ہے، وزیر مملکت بلال اظہرکیانی
روایتی موسیقی اور مبارکباد
تقریب میں نوبیاہتا جوڑوں کا استقبال روایتی چولستانی لوک موسیقی سے کیا گیا۔ صوبائی وزیر سوشل ویلفیئر اینڈ بیت المال سہیل شوکت بٹ اور رکن صوبائی اسمبلی سعدیہ بلال نے نوبیاہتا جوڑوں کی نشستوں پر جا کر انہیں تحائف و سلامی کی رقوم کے اے ٹی ایم کارڈز پیش کیے اور نیک تمناؤں کا اظہار کرتے ہوئے انھیں مبارکباد دی۔
یہ بھی پڑھیں: راولپنڈی میں پولیس اہلکار مسافروں کو ایئرپورٹ جانے والے راستوں پر لوٹنے لگے، بڑا انکشاف
وزیر کی گفتگو
صوبائی وزیر نے میڈیا نمائندگان سے گفتگو کرتے ہوئے کہا کہ وزیراعلی پنجاب نے دھی رانی پروگرام لانچ کر کے والدین کیلئے ایک شفیق بیٹی اور قوم کے بیٹوں کیلئے ایک شفیق ماں بن کر دکھایا ہے۔ یہ پروگرام حقیقی معنوں میں ایک فلاحی ریاست کی بنیاد ہے۔
تقریب کا اختتام
بعد ازاں محکمہ سوشل ویلفیئر اینڈ بیت المال پنجاب کی جانب سے دولہا دلہن اور تقریب کے شرکاء کے لئے ظہرانہ دیا گیا۔ تقریب میں محکمہ سوشل ویلفیئر و بیت المال کے ڈویژنل ڈائریکٹر اشتیاق احمد اور ڈپٹی ڈائریکٹر محمد عزیر نے شرکت کی۔
