پنجاب حکومت کے مسلسل اقدامات اور عوامی تعاون نے لاہور کے اے کیو آئی کو کنٹرول کیا، الحمدللہ :سینئر منسٹر مریم اورنگزیب

پنجاب حکومت کا سموگ خلاف گرینڈ آپریشن

لاہور (ڈیلی پاکستان آن لائن) سینئر منسٹر مریم اورنگزیب نے کہا ہے کہ وزیرِ اعلیٰ پنجاب کی ہدایت پہ پنجاب حکومت کے 9 ڈیپارٹمنٹس کا سموگ کے خلاف گرینڈ آپریشن جاری ہے۔ سموگ اور فضائی آلودگی کے خلاف پنجاب حکومت کے مسلسل اقدامات، کوشش اور عوامی تعاون نے لاہور کے اے کیو آئی کو کنٹرول کیا، الحمدللہ۔ اینوائیرمنٹ پروٹیکشن فورس اور محکمہ متحرک ہیں جبکہ تمام سیکٹورل سکاڈز فیلڈ میں موجود ہیں۔ ڈرونز کے ذریعے بھٹوں کی نگرانی کی جارہی ہے اور لائیو رپورٹ جاری ہے۔

یہ بھی پڑھیں: حکمرانوں کے عوام کو مفت بجلی فراہم کرنے کے دعوے کہاں گئے۔۔؟امیر جماعت اسلامی حافظ نعیم الرحمان نے ویڈیو کلپس شیئر کر دیئے

ائیر کوالٹی مونیٹرز اور بروقت اقدامات

ایک بیان میں سینئر منسٹر مریم اورنگزیب نے کہا کہ سموگ گنز اور ائیر کوالٹی مونیٹرز فیلڈ میں موجود ہیں۔ پنجاب کی تاریخ میں پہلی بار ائیر کوالٹی انڈیکس کی فورکاسٹنگ کی مدد سے بروقت آپریشن اور آل آف گورنمنٹ حکمتِ عملی نے اے کیو آئی کے لیول کو فورکاسٹنگ کے مطابق کنٹرول کیا، الحمدللہ۔ جدید ٹیکنالوجی، اینٹی سموگ مشینری، ڈیٹا کی بروقت فراہمی اور اداروں میں بہترین اشتراک عمل سے فضائی معیار آلودہ سے کنٹرولڈ سطح پر رہا۔ وزیراعلیٰ پنجاب مریم نواز نے تمام اداروں کے افسران اور عملے کو شاباش دی ہے۔

یہ بھی پڑھیں: پاکستان ایران دوستی کا نیاباب، بارڈر کھلا رکھنے سے متعلق بڑا فیصلہ

موسمیاتی بہتری کی کوششیں

سینئر منسٹر مریم اورنگزیب کا مزید کہنا تھا کہ جدید موسمیاتی ڈیٹا سینٹر نے زیادہ آلودگی کی سطح پر آنے والے علاقوں کی پیشگی نشاندہی کی تھی۔ موسمیاتی بہتری کی ٹیم نے سموگ کے ’’ہاٹ سپاٹس‘‘ میں سموگ گنز سے کارروائی کی جس سے اے کیو آئی فورکاسٹنگ کے مطابق رہا۔ کھلی جگہوں پر تعمیراتی مواد کا بروقت ڈھانپنا یقینی بنایا گیا، ٹریفک پولیس کی جانب سے ٹرکوں اور مال بردار گاڑیوں کی نقل و حرکت پر پابندی لگائی گئی جبکہ سیف سٹی کیمروں کے ذریعے ٹریفک کی مانٹیرنگ کی جارہی ہے۔ واسا، ایل ڈی اے، پی ایچ اے سی اینڈ ڈبلیو اور انتظامیہ نے کل رات سے چھڑکاؤ کا عمل شروع کیا ہے۔

زراعت کے محکمے کا کردار

بیان کے آخر میں سینئر منسٹر مریم اورنگزیب نے کہا کہ محکمہ زراعت کے افسران اور عملے پر مشتمل ایک ہزار 354 افراد سے زائد فورس بھی فیلڈ میں متحرک ہیں۔ فصل کی باقیات نہ جلا کر سموگ پر قابو پانے کا پنجاب بھر میں ایگریکلچر ڈیپارٹمنٹ کا گرینڈ آپریشن جاری ہے۔ فصل کی باقیات نہ جلانے کی مہم میں کسانوں نے بھرپور شرکت کی۔ عوام کا بھی ہیلتھ ایڈوائزی کے مطابق تعاون کا شکریہ۔