کسی کو بھی بند کمروں کے فیصلوں کو عوام پر مسلط کرنے کی اجازت نہیں دی جائے گی، وزیر اعلیٰ خیبر پختونخواہ سہیل آفریدی

وزیراعلیٰ کا عوامی فیصلوں پر زور

پشاور (ڈیلی پاکستان آن لائن) وزیراعلیٰ خیبر پختونخوا محمد سہیل آفریدی نے ارادہ ظاہر کیا ہے کہ بند کمروں کے فیصلوں کو عوام پر مسلط کرنے کی اجازت نہیں دی جائے گی۔

یہ بھی پڑھیں: وزیراعلی خیبرپختونخوا سہیل آفریدی 26 دسمبر بروز جمعہ لاہور کا دورہ کریں گے،اپوزیشن لیڈر معین قریشی نے اسپیکر آفس کو آگاہ کردیا

جرگہ کا انعقاد

سماجی رابطے کی ویب سائٹ ایکس پر جاری کردہ بیان میں انہوں نے بتایا کہ 25 اکتوبر کو ضلع خیبر میں ایک جرگہ بلایا جائے گا، جس میں عوام کی زندگی اور مستقبل کا فیصلہ صوبے کے لوگ خود کریں گے۔

یہ بھی پڑھیں: ملزم عمر مقتول ٹک ٹاکر ثنا سے کس بات پر نا راض ہوا؟ بالآخر اصل وجہ سامنے آگئی۔

قیام امن کی کوششیں

وزیراعلیٰ نے مزید کہا کہ 25 اکتوبر کو ضلع خیبر کی تحصیل باڑہ میں قیام امن کے سلسلے میں ایک بڑا امن جرگہ منعقد کیا جائے گا۔ اس جرگے میں تمام سیاسی وابستگیوں سے بالاتر ہو کر قبائلی عمائدین، مشران اور نوجوانوں کی شرکت متوقع ہے۔

حکومت کا عزم

انہوں نے واضح کیا کہ خیبر پختونخوا کی حکومت بانی چیرمین کے نظریے اور صوبے کے عوام کے مفاد کی خاطر اپنی حمایت جاری رکھے گی۔