ریوائزڈ نیشنل ایکشن پلان کی کامیابی پائیدار امن اور ترقی کی بنیاد ہے: وزیر خزانہ پنجاب

لاہور (ڈیلی پاکستان آن لائن) وزیر خزانہ و صوبائی وزیر برائے پارلیمانی امور پنجاب میاں مجتبیٰ شجاع الرحمٰن کی زیر صدارت ’’ریوائزڈ نیشنل ایکشن پلان (R-NAP) 2021‘‘ کے تحت صوبائی سطح پر تشکیل کردہ سوشیو پولیٹیکل اسٹیئرنگ/ریویو کمیٹی کا اجلاس آج سول سیکرٹریٹ لاہور میں ہوا۔

یہ بھی پڑھیں: لاہورپولو کلب کے زیراہتمام پولو ان پنک ٹورنامنٹ شروع ہوگیا

اجلاس میں شرکت کرنے والے

اجلاس میں ایڈیشنل چیف سیکرٹری پنجاب، محکمہ داخلہ، محکمہ قانون و پارلیمانی امور اور متعلقہ محکموں کے نمائندہ افسران نے شرکت کی۔

یہ بھی پڑھیں: خیرپور میں 2 گروپوں میں تنازع، مخالف قبیلے نے شہری سے 15 لاکھ روپے لوٹ لئے

اجلاس کا مقصد

اجلاس میں ریوائزڈ نیشنل ایکشن پلان کے تحت صوبائی سطح پر لیے جانے والے اقدامات میں پیش رفت کا تفصیلی جائزہ لیا گیا۔ اجلاس میں مختلف محکموں سے انسدادِ انتہا پسندی، دہشت گردی، سماجی ہم آہنگی کے فروغ، نوجوانوں کی شمولیت اور ادارہ جاتی تعاون سے متعلق اقدامات پر بریفننگ لی گئی۔

یہ بھی پڑھیں: 16 سالہ لڑکی کی لاش ملنے کا معاملہ؛ زیادتی کا نشانہ بناکر قتل کیا گیا

وزیر خزانہ کا بیان

اس موقع پر اجلاس سے خطاب کرتے ہوئے وزیر خزانہ میاں مجتبیٰ شجاع الرحمٰن نے کہا کہ وزیرِاعلیٰ پنجاب مریم نواز کی قیادت میں صوبائی حکومت امن، برداشت اور ترقی کے ایجنڈے کو مضبوطی سے آگے بڑھا رہی ہے۔ ہماری اولین ترجیح ایک پرامن اور ہم آہنگ پنجاب ہے جہاں ہر شہری خود کو محفوظ محسوس کرے۔ حکومت پنجاب ریوائزڈ نیشنل ایکشن پلان کے اہداف کے حصول کے لیے تمام محکموں کے مابین ہم آہنگی اور کوآرڈینیشن کو مزید مؤثر بنا رہی ہے جو صرف حکومتی پالیسی نہیں بلکہ قومی سلامتی اور سماجی استحکام کا مشترکہ عزم ہے۔

یہ بھی پڑھیں: وزیرستان میں پاک فوج اور خوارج کے مابین فائرنگ کا تبادلہ، لیفٹیننٹ کرنل اور 5 جوان شہید

محکموں کو ہدایت

میاں مجتبیٰ شجاع الرحمٰن نے متعلقہ محکموں کو ہدایت کی کہ وہ سماجی استحکام، نوجوانوں کی شمولیت، امن و رواداری کے فروغ اور انتہا پسندی کے خاتمے کے لیے اپنی سرگرمیوں کو مزید مؤثر بنائیں۔ انہوں نے کہا کہ ریوائزڈ نیشنل ایکشن پلان کی کامیابی پاکستان کے پائیدار امن اور ترقی کی بنیاد ہے، اور پنجاب حکومت اس قومی فریضے میں اپنا بھرپور کردار ادا کرے گی۔

اجلاس کا اختتام

اجلاس کے اختتام پر وزیر خزانہ نے صوبے میں امن و امان اور انتہا پسندی پر کنٹرول کے لیے اقدامات پر اطمینان کا اظہار کرتے ہوئے کہا کہ متعلقہ محکموں کی مشترکہ کاوشیں ہی ایک محفوظ، پرامن اور خوشحال پنجاب کی ضمانت ہیں۔