امریکی طیارے کی 36 ہزار فٹ کی بلندی پر پراسرار شے سے ٹکر، پائلٹ زخمی

ہنگامی لینڈنگ کا واقعہ

واشنگٹن(ڈیلی پاکستان آن لائن) یونائیٹڈ ایئرلائنز کی پرواز کو اُس وقت ہنگامی لینڈنگ کرنا پڑی جب 36 ہزار فٹ کی بلندی پر ایک پراسرار شے بوئنگ 737 کے شیشے سے ٹکرا گئی، جس کے نتیجے میں پائلٹ زخمی ہوگیا۔

یہ بھی پڑھیں: فیصل آباد؛انسداد دہشتگردی عدالت نے 9 مئی کو رانا ثنا اللہ کے گھر پر حملے کے کیس کا فیصلہ سنا دیا

پرواز کی تفصیلات

غیر ملکی میڈیا کے مطابق، یونائیٹڈ فلائٹ 1093 جو ڈینور سے لاس اینجلس جا رہی تھی، کو واقعے کے بعد سالٹ لیک سٹی میں ہنگامی طور پر اتار لیا گیا۔ سوشل میڈیا پر گردش کرنے والی تصاویر میں پائلٹ کے بازوؤں پر زخم اور خون کے نشانات دیکھے جا سکتے ہیں، جو جہاز کی سکرین کے شیشے ٹوٹنے کے باعث ہوئے۔

یہ بھی پڑھیں: حکومت نے ’’عوامی مشروب‘‘ کی نئی قیمت مقرر کردی

کاک پٹ کی حالت

تصاویر میں کاک پٹ کے اندر شیشے کے ٹکڑے بکھرے ہوئے دکھائی دے رہے ہیں، جبکہ ٹکر کے مقام پر جلنے کے نشانات بھی موجود ہیں۔ ایوی ایشن ماہرین کے مطابق، یہ حادثہ کسی برقی خرابی کے باعث بھی ہوسکتا ہے، تاہم ٹوٹے شیشے اور جلنے کے نشانات اس بات کی نشاندہی کرتے ہیں کہ طیارہ کسی ٹھوس چیز سے ٹکرایا ہے۔

یہ بھی پڑھیں: آئینی ترمیم کی ممکنہ منظوری کیلئے سینیٹ کا اجلاس

حادثے کی تفصیلات

ماہرین کا کہنا ہے کہ عام طور پر پرندے، اولے یا دیگر اشیاء نچلی پروازوں کے دوران طیاروں سے ٹکراتے ہیں، مگر یہ واقعہ 36 ہزار فٹ کی بلندی پر پیش آیا، جو انتہائی غیر معمولی ہے۔

یہ بھی پڑھیں: امریکہ کی جارحیت بے بنیاد، ایرانی عوام کی مدد کریں گے: روسی صدر پیوٹن

ایوی ایشن ایڈمنسٹریشن کا بیان

فیڈرل ایوی ایشن ایڈمنسٹریشن (FAA) کے مطابق، 2023 کی ایک رپورٹ میں بتایا گیا تھا کہ خلائی ملبہ کسی کمرشل پرواز کو نقصان پہنچانے کا امکان ایک کھرب میں ایک کے برابر ہے۔

یونائیٹڈ ایئرلائنز کا جواب

یونائیٹڈ ایئرلائنز نے تصدیق کی کہ "جمعرات کو یونائیٹڈ فلائٹ 1093 نے ملٹی لئیر ونڈ شیلڈ کو نقصان پہنچنے کے باعث سالٹ لیک سٹی میں ہنگامی لینڈنگ کی۔ مسافروں کو بعد میں دوسرے طیارے کے ذریعے لاس اینجلس بھیج دیا گیا۔" رپورٹس کے مطابق، بوئنگ 737 میکس 8 تاحال سالٹ لیک سٹی میں گراؤنڈ ہے جبکہ مینٹیننس ٹیم طیارے کی مرمت میں مصروف ہے۔