اسلام آباد میں خاتون کے ساتھ مبینہ اجتماعی زیادتی

اسلام آباد میں اجتماعی زیادتی کا واقعہ

اسلام آباد (ڈیلی پاکستان آن لائن) وفاقی دارالحکومت میں قائم ایک نجی شاپنگ مال کے رہائشی اپارٹمنٹ میں خاتون کو مبینہ طور پر اجتماعی زیادتی کا نشانہ بنانے کا انکشاف ہوا ہے۔ ایکسپریس نیوز کے مطابق متاثرہ خاتون نے اپنے ساتھ پیش آنے والے واقعے کے بعد پولیس ہیلپ لائن 15 پر کال کر کے شکایت درج کرائی۔

یہ بھی پڑھیں: عمران خان سمیت دیگر کے خلاف 26 نومبر کے مقدمات، انسداد دہشتگردی عدالت نے حاضر ملزمان کو چالان کی نقول تقسیم کردیں

پولیس کی فوری کارروائی

خاتون کی شکایت پر مارگلہ پولیس نے فوری کارروائی کرتے ہوئے دو ملزمان کو گرفتار کر لیا۔ متاثرہ کو میڈیکل کے لیے ہسپتال منتقل کیا گیا۔ پولیس نے واقعے کی تحقیقات شروع کر دی ہیں اور واقعے کی اطلاع ملتے ہی پولیس افسران موقع پر پہنچ گئے اور ابتدائی تحقیقات کا آغاز کر دیا۔

ملزمان سے تفتیش

پولیس نے حراست میں لیے گئے دونوں ملزمان سے بھی تفتیش شروع کر دی ہے۔