لاہور: پتنگ بازی نے ایک اور جان لے لی، ڈور پھرنے سے نوجوان جاں بحق

پتنگ بازی کا ایک اور حادثہ

لاہور(ڈیلی پاکستان آن لائن) صوبائی دارالحکومت لاہور میں پتنگ بازی نے ایک اور جان لے لی، ڈور پھرنے سے نوجوان جاں بحق ہوگیا۔

یہ بھی پڑھیں: کن علاقوں پر بڑا حملہ کیا گیا ہے؟ ایرانی میڈیا نے تفصیلات بتا دیں

واقعہ کی تفصیلات

نجی ٹی وی چینل دنیا نیوز کے مطابق پولیس ذرائع کا کہنا ہے کہ ڈور پھرنے کا واقعہ تھانہ نواں کوٹ کے علاقے میں پیش آیا۔ مزنگ کا رہائشی نوجوان گھر واپس جا رہا تھا کہ گلے پر ڈور پھر گئی۔

یہ بھی پڑھیں: حکومت اور تحریک انصاف کے مذاکرات بے نتیجہ ختم

نوجوان کی موت

ہسپتال ذرائع نے بتایا کہ ڈور پھرنے سے 21 سالہ موٹر سائیکل سوار نوجوان نعمان یوسف کی گردن کٹ گئی۔ نعمان یوسف کو زخمی حالت میں ہسپتال منتقل کیا جا رہا تھا لیکن راستے میں دم توڑ گیا۔

یہ بھی پڑھیں: ٹرمپ اور نیتن یاہو قریبی دوست، یوکرین کی جنگ روکنا ترجیح ہوگی، ملیحہ لودھی

پولیس کی معلومات

پولیس کے مطابق نعمان میڈیکل ریپ تھا۔ مرحوم گھر کا بڑا بیٹا اور اکیلا کمانے والا تھا۔ مرحوم کا ایک چھوٹا بھائی اور دو بہنیں ہیں۔

یہ بھی پڑھیں: ایک اننگز میں 19 چھکے، نیوزی لینڈ کے فن ایلن نے کرس گیل کا ریکارڈ توڑدیا

آئی جی پنجاب کا نوٹس

آئی جی پنجاب عثمان انور نے واقعے کا نوٹس لے کر سی سی پی او لاہور سے رپورٹ طلب کر لی اور ڈی آئی جی آپریشنز لاہور کو پتنگ بازی میں ملوث ملزمان کی فوری گرفتاری کا حکم دے دیا۔

یہ بھی پڑھیں: کبھی بھرپور پروٹوکول میں گھومنے والا سابق امریکی صدر جو بائیڈن کا بیٹا اب کہاں اور کس حال میں ہے؟ نئی تصویر سامنے آگئی۔

وزیراعلیٰ کی جانب سے افسوس کا اظہار

دوسری جانب وزیراعلیٰ پنجاب مریم نواز شریف نے ڈور پھرنے سے موٹر سائیکل سوار نوجوان کے جاں بحق ہونے پر گہرے دکھ اور افسوس کا اظہار کرتے ہوئے سوگوار خاندان سے اظہار ہمدردی و تعزیت کیا ہے۔ انہوں نے غیر قانونی پتنگ بازی کے واقعہ پر سخت غم وغصہ کا اظہار بھی کیا۔

کارروائی کا حکم

مریم نواز شریف نے ذمہ داران کے خلاف فوری کارروائی کا حکم دیتے ہوئے سی سی پی او سے رپورٹ طلب کر لی۔