ریاست کے خلاف بندوق اٹھانے والے انتہا پسندوں، بدمعاش اور غیر قانونی رہائشیوں کے لیے پنجاب حکومت کے بڑے فیصلے

پنجاب میں انتہا پسندی کے خلاف اقدامات

لاہور (ڈیلی پاکستان آن لائن) ریاست کے خلاف بندوق اٹھانے والے انتہا پسندوں، بدمعاش اور غیر قانونی رہائشیوں کے لیے پنجاب کی زمین مزید تنگ کر دی گئی۔

یہ بھی پڑھیں: مودی کا آدم پور ایئر بیس کا دورہ، S-400 میزائل لانچر کے سامنے فوٹو سیشن

وزیراعلیٰ کا غیر معمولی اجلاس

وزیراعلیٰ مریم نواز شریف کی زیرِ صدارت امن و امان پر مسلسل تیسرا غیر معمولی اجلاس ہوا، جس میں ریاستی رِٹ اور قانون کی بالادستی قائم کرنے کے لیے غیرمعمولی اور تاریخی فیصلے کیے گئے۔

یہ بھی پڑھیں: پاکستان میں کل ووٹرز کی تعداد کتنی؟ الیکشن کمیشن نے تازہ ترین اعداد و شمار جاری کر دیئے۔

لاؤڈ اسپیکر ایکٹ کا نفاذ

پنجاب میں لاؤڈ اسپیکر ایکٹ کا نفاذ لازمی اور مزید سخت کرنے کا فیصلہ کیا گیا ہے۔

یہ بھی پڑھیں: صدر (ن) لیگ نواز شریف اور مریم نواز سے گورنر سندھ کی ملاقات

وِسل بلور سیل کا قیام

پنجاب حکومت کا ہر ضلع میں وِسل بلور سیل قائم کرنے کا بڑا فیصلہ کیا گیا ہے۔

یہ بھی پڑھیں: لاہور ہائی کورٹ میں خاتون وکیل اور مرد وکیل کے درمیان لڑائی، تھپڑ اور مکوں کی بارش، باقی وکلا تماشا دیکھتے اور ویڈیوز بناتے رہے

پنجاب پولیس ہیلپ لائن میں خصوصی سیل

پنجاب حکومت نے انتہا پسند جماعت اور غیر قانونی مقیم انٹرنیشنل شہریوں کے خلاف پنجاب پولیس ہیلپ لائن 15 میں خصوصی سیل قائم کر دیا ہے۔

پنجاب کے عوام انتہا پسند جماعت اور غیرقانونی طارکین وطن کی اطلاع کے لیے فوراً 15 پر کال کریں۔

یہ بھی پڑھیں: مراد سعید کو 60 دن میں حلف نہ لینے پر نشست سے ہاتھ دھونا پڑ سکتا ہے، مرتضیٰ سولنگی

غیر قانونی اسلحے کے خلاف کارروائیاں

پنجاب حکومت کا صوبے کو غیر قانونی اسلحہ سے پاک کرنے کے لئے اقدامات کی رفتار تیز اور مزید سخت کرنے کا فیصلہ کیا گیا ہے۔

یہ بھی پڑھیں: سعودی عرب میں پہلا روزہ کب ہوگا؟ چاند دیکھنے کیلئے اجلاس آج طلب

امن کمیٹیوں کی فعالیت

پنجاب میں ڈالا کلچر، بدماشی اور مافیا کلچر کو کسی صورت برداشت نہیں کیا جائے گا۔ پنجاب حکومت کا امن کمیٹیز کو فوری طور پر مؤثر اور مزید فعال بنانے کا فیصلہ کیا گیا ہے۔

یہ بھی پڑھیں: اقوام متحدہ فلسطین و کشمیر کی قراردادوں کے نفاذ میں ناکام، اسلامی ممالک کو مؤثر اقدامات اٹھانے کی ضرورت: نواز شریف

موبائل پولیس اسٹیشن کی خدمات

پنجاب حکومت کے وژن ریاست عوام کی چوکھٹ پر کے تحت ہر شہری کے دروازے تک موبائل پولیس اسٹیشن کی خدمات پہنچائی جائیں گی۔

یہ بھی پڑھیں: عام انتخابات کے بعد کل سمبڑیال میں دوبارہ عوام کے ووٹ پر ڈاکا ڈالا گیا، سلمان اکرم راجا

کومبنگ آپریشنز کی وضاحت

پنجاب حکومت نے پھر سے واضح کر دیا کہ کومبنگ آپریشنز، کارروائیاں صرف مخصوص انتہا پسند ذہنیت کے خلاف ہیں، کسی فرقہ یا عقیدے کے خلاف ہرگز نہیں۔

یہ بھی پڑھیں: عوامی مسائل کے فوری اور بروقت حل کیلیے ڈی سی آفس لاہور میں کھلی کچہری

انتہا پسند جتھوں کے خلاف سخت پابندیاں

پنجاب حکومت کا انتہا پسند جتھوں کے اشتہارات، تصاویر اور پلے کارڈز پر سخت پابندی اور کارروائی کا فیصلہ کیا گیا ہے۔

یہ بھی پڑھیں: وفاقی پبلک سروس کمیشن نے سی ایس ایس 2026 کے امتحان میں شرکت کرنے والوں کے لئے اہم ہدایات جاری کردیں۔

کومبنگ آپریشن رپورٹس

پنجاب کی تمام ضلعی انتظامیہ روزانہ غیرقانونی بین الاقوامی رہائشیوں کے خلاف کومبنگ آپریشن رپورٹس اپ ڈیٹ کریں گی۔

روزانہ کی بنیاد پر اپ ڈیٹ کرنا ہو گا کہ کتنے غیرقانونی رہائشی کہاں کہاں کاروبار سے منسلک ہیں، کتنے غیرقانونی بین الاقوامی رہائشی مرکز میں ڈی پورٹیشن کے لیے بھیجے گئے، اور کتنے بین الاقوامی باشندے ٹیکس نیٹ میں لائے گئے۔ عوام بھی غیرقانونی رہائشوں کو دکان یا مکان کرائے پر نہ دیں، ورنہ کرایہ داری/پاسپورٹ ایکٹ کے تحت کارروائی ہوگی۔

سوشل میڈیا پر نفرت کے خلاف کارروائی

پنجاب میں سوشل میڈیا پر شر انگیزی و نفرت کے خلاف زیرو ٹالرنس پالیسی نافذ کر دی گئی ہے۔ سوشل میڈیا پر نفرت انگیز مواد پھیلانے والوں کے خلاف پیکا ایکٹ کے تحت مقدمات درج کیے جائیں گے۔ غیرقانونی اجتماعات یا بازار بند کرانے والوں پر دہشتگردی قوانین لاگو ہوں گے۔