قومی اسمبلی کا 19 واں اجلاس، وزیراعظم کسی بھی نشست میں شریک نہیں ہوئے، اپوزیشن لیڈر کا عہدہ خالی رہا،فافن

نئی رپورٹ کی تفصیلات

اسلام آباد (ڈیلی پاکستان آن لائن) فری اینڈ فیئر الیکشن نیٹ ورک کی رپورٹ کے مطابق وزیراعظم سمیت قومی اسمبلی کے 25 فیصد ارکان نے 19ویں اجلاس کی کسی نشست میں شرکت نہیں کی۔

یہ بھی پڑھیں: پاکستان اور افغانستان میں آئندہ ہفتے زلزلے کا امکان، شدت 5.4 ہو سکتی ہے: شہباز لغاری

اجلاس کی مدت اور حاضری

ڈان نیوز کے مطابق قومی اسمبلی کا 19واں اجلاس 3 نشستوں پر مشتمل، اجلاس یکم سے 5 ستمبر 2025 تک جاری رہا تھا۔ فافن رپورٹ میں کہا گیا ہے کہ اجلاس میں قومی اسمبلی کے تقریباً ایک چوتھائی ارکان (25 فیصد یا 82 ارکان) نے کسی بھی نشست میں شرکت نہیں کی۔ قومی اسمبلی کے 111 ارکان نے اجلاس کی تمام نشستوں میں شرکت کی، جبکہ دوسری نشست میں سب سے زیادہ 200 ارکان موجود رہے۔ اجلاس کی تیسری نشست میں حاضری سب سے کم رہی، اور صرف 159 ارکان شریک ہوئے۔

یہ بھی پڑھیں: امریکہ نے ایران پر حملے اقوام متحدہ کے چارٹر کے تحت جائز قرار دیدیے۔

غیر حاضری کی وجوہات

فافن کے مطابق 216 ارکان (66 فیصد) کم از کم ایک نشست میں غیر حاضر رہے، جبکہ غیر حاضر ارکان میں سے صرف 50 نے رخصت کی درخواستیں جمع کرائیں، 166 ارکان بغیر کسی اطلاع کے غیر حاضر رہے۔ کابینہ کے ارکان میں سے 4 وفاقی وزراء اور ایک وزیر مملکت نے تمام نشستوں میں شرکت کی۔ وزیراعظم قومی اسمبلی کے اجلاس کی کسی بھی نشست میں شریک نہیں ہوئے، جبکہ اپوزیشن لیڈر کا عہدہ اجلاس کے دوران خالی رہا۔

یہ بھی پڑھیں: مرد ساری زندگی دوسروں کے لیے فیصلے کرتا ہے، شفاعت علی

خواتین کی حاضری کی صورتحال

رپورٹ میں بتایا گیا ہے کہ 4 وفاقی وزرا اور ایک وزیر مملکت نے تمام نشستوں میں شرکت کی جبکہ 10 وفاقی وزرا اور 5 وزرائے مملکت کسی نشست میں شریک نہیں ہوئے۔ خواتین ارکان کی حاضری مرد ارکان کے مقابلے میں بہتر رہی اور 35 خواتین ارکان نے تمام نشستوں میں شرکت کی جبکہ 12 خواتین ارکان نے کوئی نشست اٹینڈ نہیں کی۔

یہ بھی پڑھیں: ایرانی حملے: ہزاروں اسرائیلی بے گھر، گاڑیوں کو نقصان، کمپنسیشن فنڈ میں درخواستوں کی بھرمار

اجلاس میں حاضری کے اعداد و شمار

اسلام آباد کے تمام ارکان اور خیبر پختونخوا کے 40 ارکان (75 فیصد) نے آدھے سے زیادہ اجلاسوں میں شرکت کی، جبکہ پنجاب کے 98 ارکان، سندھ کے 41 اور بلوچستان کے 11 ارکان نے زیادہ نشستوں میں شرکت کی۔ اجلاس کے دوران ایک رکن نے کورم کی نشاندہی کی جبکہ اسپیکر نے اہم عوامی معاملے پر کورم پوائنٹ کرنے پر افسوس کا اظہار کیا۔