امریکا کی روس پر نئی پابندیاں، یوکرین جنگ بندی کیلئے بھی پرامید ہوں: ٹرمپ

ٹرمپ کا روسی صدر سے ملاقات منسوخ کرنے کا اعلان

واشنگٹن (ڈیلی پاکستان آن لائن) امریکی صدر ڈونلڈ ٹرمپ نے کہا کہ روسی صدر سے ملاقات کرنا نامناسب لگا، اس لئے ملاقات کو منسوخ کردیا ہے۔

یہ بھی پڑھیں: ایشیا کپ کی تاریخ میں پہلی بار پاکستان اور انڈیا فائنل کھیلیں گے

نیٹو سیکرٹری جنرل کے ساتھ گفتگو

نجی ٹی وی چینل دنیا نیوز کے مطابق، امریکی صدر ڈونلڈ ٹرمپ نے اوول آفس میں نیٹو سیکرٹری جنرل کے ہمراہ صحافیوں سے بات چیت کرتے ہوئے کہا ہے کہ آج ایک خاص دن ہے، کیونکہ آج روس کی دو بڑی تیل کمپنیوں پر پابندیاں لگائی گئی ہیں، جو اس بات کی طرف اشارہ کرتی ہیں کہ ہم آئندہ کیا کرنے جا رہے ہیں۔

یہ بھی پڑھیں: خیبرپختونخوا میں عوام بے سہارا، حکومت غائب ہے: عظمیٰ بخاری

یوکرین جنگ اور پابندیاں

ٹرمپ کا کہنا تھا کہ روس-یوکرین جنگ بائیڈن کے دور میں شروع ہوئی، اور میں اس کو روکنے کی کوشش کر رہا ہوں۔ مجھے امید ہے کہ پابندیاں پیوٹن کو معقول رویہ اختیار کرنے پر مجبور کریں گی۔ جب بھی پیوٹن سے بات ہوئی، اچھی گفتگو رہی ہے لیکن اس کا کوئی نتیجہ نہیں نکلتا۔

یہ بھی پڑھیں: عمران خان سے ملاقات کیلئے گئے تو کہا گیا کہ سیاست پر بات نا کریں، تو کیا ہم موسم پر بات کریں؟ اسدقیصر

یوکرین کی صورتحال

ڈونلڈ ٹرمپ نے مزید کہا کہ امید ہے کہ پابندیاں پیوٹن کو معقول رویہ اختیار کرنے پر مجبور کریں گی۔ انہوں نے وضاحت کی کہ یوکرین کو روس میں طویل فاصلے تک حملے کرنے والے میزائل کی اجازت کی خبر غلط ہے، کیونکہ یوکرین امریکہ کی بجائے یورپی میزائل استعمال کر رہا ہے۔

یہ بھی پڑھیں: توشہ خانہ ٹو کیس: عمران خان کی درخواست ضمانت سماعت کیلئے مقرر

چین اور کوریا کے دورے

امریکی صدر کا کہنا تھا کہ چین اور کوریا کے دورے کے دوران چینی صدر کے ساتھ ملاقات طے ہے۔ ان کا یہ بھی کہنا تھا کہ بائیڈن امریکا کی تاریخ کے بدترین صدر ہیں، اور امریکا میں غیر قانونی طور پر داخل ہونے والوں کے بجٹ پر اخراجات کم کرنے کی ضرورت ہے۔

روسی پابندیاں اور مذاکرات

نیو سیکرٹری جنرل مارک روٹے نے گفتگو میں کہا کہ روس پر مزید پابندیوں کا مقصد صدر پیوٹن پر جنگ بندی کے لئے دباؤ ڈالنا ہے، اس وقت روس یوکرین مذاکرات کی میز پر نہیں ہے۔