محکمہ داخلہ پنجاب کا غیر قانونی اسلحہ کے خلاف بھرپور ایکشن، 28 اسلحہ ڈیلرز کے لائسنس منسوخ کر دیئے۔

پنجاب میں اسلحے کی غیر قانونی خرید و فروخت پر سختی

لاہور (ڈیلی پاکستان آن لائن) پنجاب میں اسلحے کی غیر قانونی خرید و فروخت کے خلاف زیرو ٹالرنس پالیسی پر عملدرآمد شروع کردیا گیا ہے۔ محکمہ داخلہ پنجاب نے 28 اسلحہ ڈیلرز کے لائسنس منسوخ کر دیئے ہیں۔

یہ بھی پڑھیں: پاکستان ایٹمی قوت ہے، دشمن حملہ کرنے سے پہلے 10 بار سوچےگا: مریم نواز

جعلی ڈیلرز کے خلاف کارروائی

ترجمان کے مطابق، محکمہ داخلہ پنجاب کے جوڈیشل ونگ نے جعلی ڈیلرز کی دکانیں سیل کر کے ایف آئی آرز درج کر لی ہیں۔ پنجاب میں 511 اسلحہ ڈیلرز نے اپنے لائسنس کی توثیق کے لئے درخواست دی، جن کی مکمل سکروٹنی کے بعد 393 اسلحہ ڈیلرز کے لائسنس کی تصدیق کی گئی ہے اور انہیں گرین سرٹیفکیٹس جاری کیے گئے ہیں۔

یہ بھی پڑھیں: الخدمت فاؤنڈیشن کی جانب سے غزہ مہاجرین کے لیے مصر، اردن، لبنان، القدس اور ویسٹ بینک میں 2915 جانور قربان

لائسنس کی تصدیق کا عمل

محکمہ داخلہ میں 90 اسلحہ ڈیلرز کے کاغذات کی اسکروٹنی جاری ہے۔ ان میں سے 44 اسلحہ ڈیلرز کی سماعت مکمل ہو چکی ہے جبکہ 46 کی سماعت جلد ہی مکمل کی جائے گی۔

یہ بھی پڑھیں: وزیردفاع خواجہ آصف کا افغان نائب وزیر اعظم ملا عبدالغنی برادر کے بیان پر ردعمل آ گیا

شفافیت اور منصفانہ طریقۂ کار

ترجمان محکمہ داخلہ پنجاب نے بتایا کہ شفاف اور منصفانہ طریقۂ کار کے تحت تمام کیسز کی جانچ پڑتال کی جا رہی ہے۔ پنجاب میں 10 لاکھ 12 ہزار 454 افراد کے پاس انفرادی اسلحہ لائسنس موجود ہیں۔

یہ بھی پڑھیں: تابکاری مواد کی برآمدگی کے واقعات پر انڈین حکومت کی تشویش: عالمی سطح پر انڈیا کی بدنامی کا خدشہ

سکیورٹی کمپنیوں اور اداروں کے لائسنس

پنجاب میں سکیورٹی کمپنیوں کے لئے 37 ہزار 918 اسلحہ لائسنس جاری کئے گئے ہیں جبکہ مختلف اداروں کے نام پر رجسٹرڈ اسلحہ لائسنسز کی تعداد 42 ہزار 272 ہے۔

کل اسلحہ لائسنسز کی تعداد

ترجمان کے مطابق پنجاب میں مجموعی طور پر اسلحہ لائسنسز کی کل تعداد 10 لاکھ 92 ہزار 644 ہے۔ اسلحہ لائسنسز کا تمام ریکارڈ نادرا کی مدد سے آن لائن کیا جا رہا ہے۔