شہری راست کیو آر کوڈ کے ذریعے بغیر کسی اضافی چارجز کے فیس کی ادائیگی کر سکتے ہیں، ترجمان نادرا

نادرا کی نئی سہولت

اسلام آباد(ڈیلی پاکستان آن لائن) نادرا نے شہریوں کےلئے فیس جمع کرانے کا عمل مزید آسان بنا دیا ہے۔ اب شہری راست کیو آر کوڈ کے ذریعے فوری اور بغیر کسی اضافی چارجز کے فیس کی ادائیگی کر سکتے ہیں۔

یہ بھی پڑھیں: آئی سی سی نے ویمنز ٹی ٹوئنٹی ورلڈ کپ 2026 کے فائنل کے وینیو کا اعلان کردیا

کیو آر کوڈ کی سہولت

نجی ٹی وی سما نیوز کے مطابق ترجمان نادرا کا کہنا ہے کہ ملک بھر کے تمام نادرا مراکز سے جاری ہونے والی ٹوکن سلپس پر راست ادائیگی کا آپشن دستیاب ہے۔ شہری اپنے بینک اکانٹ ایپ یا موبائل والٹ سے کیو آر کوڈ سکین کر کے چند سیکنڈز میں فیس ادا کر سکتے ہیں۔

نظام کا مقصد

نادرا حکام کے مطابق اس نئے نظام کا مقصد فیس جمع کرانے کے عمل کو تیز، محفوظ اور کیش لیس بنانا ہے، تاکہ رجسٹریشن مراکز پر لمبی قطاروں اور نقدی کے استعمال میں کمی لائی جا سکے۔ اس سہولت کے تحت شہری اب گھر بیٹھے یا سروس کاؤنٹر پر ہی فیس ادا کر سکیں گے۔