وزیراعلیٰ کے پی سہیل آفریدی کی بانی پی ٹی آئی سے ملاقات کب ہوگی؟ رانا ثناء اللہ نے بتا دیا

سہیل آفریدی کی ملاقات کا وقت

اسلام آباد (مانیٹرنگ ڈیسک) وزر اعلیٰ کے پی سہیل آفریدی کی بانی پی ٹی آئی سے ملاقات کب ہو گی؟ وزیراعظم کے مشیر برائے سیاسی امور رانا ثناء اللہ نے بتا دیا۔

یہ بھی پڑھیں: مشکل کی گھڑی میں بھی مخصوص ٹولہ گندی سیاست کررہا ہے: عظمیٰ بخاری

رانا ثناء اللہ کی گفتگو

’’جیو نیوز‘‘ کے پروگرام ’’نیا پاکستان‘‘ میں گفتگو کرتے ہوئے رانا ثناء اللہ نے وزیراعلیٰ خیبرپختونخوا کے حوالے سے کہا کہ سہیل آفریدی نے جو پہلی تقریر کی اس میں کہا کہ عشق لیڈر میں مارا جاؤں گا، سہیل آفریدی تو وزارت اعلیٰ کیلئے آئے ہی نہیں وہ تو خودکشی کیلئے آئے ہیں۔ سہیل آفریدی کو یہ دکھایا جانا چاہیے تھا کہ اس طرح ہوا میں نہیں اڑتے۔ وزیراعلیٰ سہیل آفریدی کی پیر کو بانی پی ٹی آئی سے ملاقات ہوجائے گی۔ نواز شریف سمیت ہم سب نے کبھی ان کو جیل میں تکلیف دینے کی بات نہیں کی، سہیل آفریدی جب بانی پی ٹی آئی سے پوچھ کر کابینہ بنائیں گے تو ایک اور مسئلہ ہوجائے گا۔

یہ بھی پڑھیں: اسرائیل کا ایران کے سرکاری ٹی وی پر حملہ، اٹھ کر جانے والی خاتون اینکر تھوڑی ہی دیر بعد نشریات کا حصہ بن گئی، سوشل میڈیا پر بہادری کی تعریفیں

کالعدم مذہبی جماعت کے اقدامات

رانا ثناء اللہ کا مزید کہنا تھا کہ کالعدم مذہبی جماعت نے اس سے پہلے بھی یقین دہانی کرائی تھی لیکن پوری نہ کی۔ مذہبی جماعت نے راستے میں جگہ جگہ املاک کو نقصان پہنچایا، ان کے خلاف کافی مواد موجود تھا کہ پابندی عائد کی جائے۔ جو تنظیم ایسی کارروائی میں ملوث ہو تو کالعدم قرار دیا جاسکتا ہے، نوٹیفکیشن جاری ہونے کے 30 دن میں جماعت اپیل کرسکتی ہے، نظرثانی کی اپیل کے بعد پابندی برقرار رہے تو پھر عدالت جاسکتے ہیں۔ اس سے پہلے بھی اس جماعت نے یقین دہانی کرائی تھی لیکن پوری نہ کی۔

مفتاح اسماعیل کی تعریف

رانا ثناء اللہ نے یہ بھی کہا کہ مفتاح اسماعیل ہمارے بھائی ہیں، وہ تو اسحاق ڈار کے شاگردوں میں سے ہیں۔