سینئر سیاستدان چوہدری نثار کا علاج کیلئے بیرون ملک جانے کا فیصلہ

چوہدری نثار کی صحت کے حوالے سے تازہ ترین خبریں

راولپنڈی (ڈیلی پاکستان آن لائن) سینئر سیاستدان چوہدری نثار علاج کروانے کیلئے بیرون ملک جانے کی تیاری کر رہے ہیں۔

یہ بھی پڑھیں: نواز شریف نے ملک برباد کرنے والوں کے نام لیے تو ہمارے رہنما سٹیج سے چھلانگیں مارکر دوڑ گئے، جاوید لطیف

بیماری کی تفصیلات

نجی ٹی وی 92 نیوز نے خاندانی ذرائع کے حوالے سے دعویٰ کیا ہے کہ چوہدری نثار علی خان کافی عرصے سے بیمار ہیں۔ پاکستان میں ان کا علاج ہو رہا ہے لیکن یہاں ان کی مکمل تشخیص نہیں ہو سکی۔ اسی لیے وہ مزید علاج کے لیے جلد بیرونِ ملک روانہ ہوں گے۔

وزیراعظم کی عیادت

ذرائع کے مطابق وزیراعظم شہباز شریف نے چند روز قبل چوہدری نثار کی عیادت کی تھی۔ وزیراعظم نے انہیں اپنے ہاں مدعو بھی کیا، تاہم خرابیِ صحت کے باعث وہ نہیں جا سکے۔ خاندانی ذرائع کا کہنا ہے کہ چوہدری نثار علاج مکمل ہونے کے بعد فوری طور پر وطن واپس آئیں گے۔