سلمان خان بچوں سے موٹرسائیکل پر لفٹ لے کر شوٹنگ پر پہنچ گئے

سلمان خان کی نئی چال

ممبئی(ڈیلی پاکستان آن لائن) بالی ووڈ کے ’بھائی جان‘ سلمان خان عام طور پر فلم کے سیٹ پر تاخیر سے پہنچنے کے لیے جانے جاتے ہیں، لیکن اب وہ اپنی اس پہچان کو بدلنے کی بھرپور کوشش کر رہے ہیں۔ بھارتی میڈیا کی رپورٹ کے مطابق فلمی دنیا سے وابستہ سلمان خان کے ایک قریبی ذرائع نے بتایا ہے کہ سلمان اپنی فلم ’بیٹل آف گلوان‘ میں بہترین کارکردگی دینے کے لیے کوئی کسر نہیں چھوڑ رہے۔

یہ بھی پڑھیں: فواد چوہدری کی پی ٹی آئی میں واپسی کے حق میں نہیں ہوں، پی ٹی آئی رہنما نے اپنی رائے دے دی

فلم کی تیاری

فلم سازوں نے ممبئی کے فلم سٹی گورے گاؤں میں فلم کے دوسرے شیڈول کے لیے ایک بہت بڑا سیٹ تیار کیا ہے۔ چونکہ سلمان باندرہ میں رہتے ہیں اور ممبئی اپنے ٹریفک کے لیے بدنام ہے، ان کے لیے یہ ایک چیلنج بن گیا ہے۔ ایک دن سلمان خان کئی گھنٹے ٹریفک میں پھنسے رہے، لیکن وقت پر سیٹ پر پہنچنے کے لیے انہوں نے اپنی کار چھوڑ دی اور قریبی بچوں سے ان کی بائیک پر لفٹ لے لی۔

سلمان کی مہارت

ذرائع نے مزید بتایا کہ سلمان کی بائیک کے پیچھے ان کے باڈی گارڈز اور اسٹاف مختلف بائیکس پر پیچھے پیچھے آرہے تھے۔ سلمان نے اپنی شناخت چھپانے کے لیے چہرہ ڈھانپ رکھا تھا۔ بعد میں جب بچوں کو پتہ چلا کہ جس شخص کو وہ فلم سٹی چھوڑ کر آئے تھے وہ سلمان خان تھے، تو ان کی خوشی کی انتہا نہ رہی۔ یہ بھی معلوم ہوا ہے کہ چترنگدا سنگھ بھی فلم کے دوسرے شیڈول میں ممبئی میں شامل ہوں گی۔