دنیا بھر میں مسلمان سب سے مظلوم قوم بن چکے ہیں، بابا جانی سرکار

اسلامی قیادت کی آواز

لاہور (ویب ڈیسک) سلسلہ سروری کے روحانی پیشوا حضرت سخی سلطان بابا جانی سرکار المعروف اللہ والوں نے کہا ہے کہ فلسطین میں انسانی حقوق کی پامالی انتہا کو پہنچ چکی ہے۔ دنیا بھر میں مسلمان سب سے مظلوم قوم بن چکے ہیں۔ صہیونی طاقتوں نے غزہ میں قتل و غارت گری کا بازار گرم کر رکھا ہے، ہسپتال، بچے، خواتین اور نوجوانوں کو چن چن کر نشانہ بنایا جا رہا ہے۔

یہ بھی پڑھیں: ایم کیو ایم پاکستان کا سندھ حکومت کی کرپشن کے خلاف احتجاج کا اعلان

انسانی حقوق کی پامالی

انسانی حقوق کی دھجیاں اڑائی جا رہی ہیں۔ انسانی حقوق کی تشریح مسلمانوں اور دیگر قوموں کے لیے الگ الگ کر دی گئی ہے۔ امریکہ کا دوغلہ رویہ واضح ہو چکا ہے جبکہ اقوام متحدہ کٹھ پتلی بن چکا ہے۔ مسلمانوں کے پاس تفرقہ بازی کو چھوڑ کر اللہ اور نبی پاک ﷺ کے نام پر اکٹھے ہونے کے سوا کوئی چارہ نہیں ہے۔

یہ بھی پڑھیں: قومی بچت سکیم کے شرح منافع میں کمی کردی گئی

محفل میلاد مصطفی کا پیغام

انہوں نے یہ خیالات گریفن گراؤنڈ لاہور میں 25ویں سالانہ محفل میلاد مصطفی کے موقع پر جمع غفیر سے خطاب کرتے ہوئے کا۔ آپ ﷺ نے فرمایا تھا کہ قرب قیامت میں مسلمانوں کو غیر قومیں ایسے کھا جائیں گی جیسے دسترخوان پر کھانا کھاتے ہیں۔

یہ بھی پڑھیں: پاکستان ہر محاذ پر کشمیریوں کی سیاسی، اخلاقی اور سفارتی حمایت جاری رکھے گا: وزیر اعلیٰ پنجاب

اتحاد کا وقت

آج ہمیں تفرقہ بازی اور منافرت کو چھوڑ کر پھر سے ایک ہونا ہوگا۔ آج کی 25ویں سالانہ محفل کا پیغام بھی یہی ہے کہ دنیا کو عارضی سمجھیں، آپسی اختلافات کو بھلا کر اللہ کی رسی کو مضبوطی سے تھام لیں۔ اگر ہم نے اپنا رویہ نہ بدلا تو آنے والے دن مزید سخت ہو سکتے ہیں۔

یہ بھی پڑھیں: بانی پی ٹی آئی نے 4 پیغامات بھیجے ہیں، عمران خان نے کہا حرمین شریفین کی حفاظت ہمارے لئے سعادت ہے،علیمہ خان

نوجوانوں کی ذمہ داری

نوجوانوں کو مخاطب کرتے ہوئے انہوں نے کہا کہ اپنی بقا کے لیے ہمیں نبی پاک کی تعلیمات پر عمل کرنا ہوگا۔ انٹرنیٹ سمیت دیگر ذرائع ابلاغ کا مثبت استعمال کریں۔ ملک مشکل صورتحال کا شکار ہے، ہمیں مل کر اس مشکل وقت میں ایک دوسرے کا ساتھ دینا ہے۔

یہ بھی پڑھیں: منہ زور پانی میں ڈوبتی انسانیت اور اشرافیہ کے ہاتھوں یرغمال ریاست

عزم اور مدد کی ضرورت

ہمیں مل کر غربت و افلاس کے خلاف لڑنا ہے۔ بابا جانی سرکار نے کہا کہ لوگوں اپنے معاشی طور پر کمزور بھائیوں کی مدد کریں، اللہ تمہارا دونوں جہاں میں بھرم رکھے گا۔ مشکل وقت میں اپنے مسلمان اور پاکستانی بھائیوں کا ساتھ دیں۔

اختتامی دعا اور تقسیم لنگر

محفل میں کلمہ طیبہ، اسمائے الحسنی اور قرآنی آیات کا ذکر کروایا گیا، جبکہ درود سلام کے نذرانے پیش کیے گئے۔ محفل میں کثیر تعداد میں خواتین اور بچوں نے بھی شرکت کی، جبکہ اختتام پر بڑی تعداد میں لنگر بھی تقسیم کیا گیا۔