پاکستان حج والنٹیئرز گروپ سعودی عرب کی اعزازی تقریب، خدامِ حجاج کی خدمات کو خراجِ تحسین

پاکستانی والنٹیئرز کی خدمات کا اعتراف

جدہ (محمد اکرم اسد) قونصل جنرل خالد مجید نے پاکستانی والنٹیئرز کو خراجِ تحسین پیش کرتے ہوئے کہا کہ ہمیں اپنے ان نوجوانوں پر فخر ہے جو عشقِ خدمت سے سرشار ہیں۔ قونصلیٹ ان کی سرپرستی، تربیت اور سہولیات کے لیے ہر ممکن تعاون جاری رکھے گا۔

یہ بھی پڑھیں: انڈین میڈیا جو بولتا ہے پی ٹی آئی کا پروپیگنڈہ سیل اسی کو پھیلاتا ہے: عظمیٰ بخاری

حجاج کی خدمت میں بے مثال خدمات

پاکستانی والنٹیئرز نے حجاجِ کرام کی خدمت کے ذریعے پاکستان کا نام دنیا بھر میں روشن کیا ہے۔ قونصل جنرل خالد مجید نے یہ بات پاکستان حج والنٹیئرز گروپ سعودی عرب کے زیرِ اہتمام پاکستان انٹرنیشنل اسکول عزیزیہ جدہ میں ایک پُروقار تقریبِ تقسیمِ اسناد سے بطور مہمان خصوصی خطاب کرتے ہوئے کہا۔ اس تقریب میں حج 2025 کے دوران ’’خدمتِ ضیوفِ الرحمن‘‘ انجام دینے والے پاکستانی والنٹیئرز کو اعزازی سرٹیفکیٹس اور تعریفی کلمات سے نوازا گیا۔

یہ بھی پڑھیں: ایسے معاشرے کو تخلیق کرنا چاہتے ہیں جس میں لوگ ایک دوسرے کے دکھ تقسیم کریں، دوسروں کے درد اپنے سینے میں محسوس کریں، سختیاں مل کر جھیلیں

اتحاد و اتفاق کی ضرورت

انہوں نے مزید کہا کہ ہمیں اتحاد و اتفاق اور قومی جزبے سے بلا تفریق خدمت کا موٹو رکھنا چاہئے۔

یہ بھی پڑھیں: ایران پر اسرائیلی حملے کی اصل وجہ کیا ہے؟

تقریب میں خاص شخصیات کی شرکت

تقریب میں ڈائریکٹر جنرل حج عبدالوہاب سومرو، پرنسپل اسکول جناب عتیق الرحمٰن روجھا، کمیونٹی رہنما مسعود احمد پوری، وزارتِ حج و عمرہ کے افسران، میڈیا نمائندگان اور قونصلیٹ کے دیگر عہدیداران نے خصوصی شرکت کی۔

یہ بھی پڑھیں: دنیا ٹرمپ نے ’برکس‘ ممالک کو ڈالر کی متبادل کرنسی لانے پر خبردار کر دیا

ڈی جی حج کا خطاب

ڈی جی حج عبدالوہاب سومرو نے خطاب کرتے ہوئے کہا کہ پاکستانی والنٹیئرز خدمتِ دین اور خدمتِ انسانیت کا بہترین نمونہ پیش کر رہے ہیں۔ ہم ان کے ساتھ ہر ممکن تعاون جاری رکھیں گے تاکہ آئندہ حج آپریشنز مزید مؤثر اور منظم ہوں۔

یہ بھی پڑھیں: گجرات؛ مونس الٰہی کو اشتہاری قرار دینے کی کارروائی منسوخ کرنے کیلئے دائر درخواست خارج

والنٹیئرز کی قربانیاں

مغربی ریجن کے کوآرڈینیٹر محمد وقار عظیم نے اپنے استقبالیہ خطاب میں کہا کہ یہ ہمارے لیے باعثِ فخر ہے کہ پاکستانی والنٹیئرز سخت گرمی اور ذاتی آرام کی قربانی دے کر صرف رضائے الٰہی کے لیے حجاجِ کرام کی خدمت کرتے ہیں۔ ان کا یہ جذبہ پاکستان کے روشن چہرے کی پہچان ہے۔

یہ بھی پڑھیں: تحریک انصاف کے اندر اختلافات سے متعلق شوکت یوسفزئی کا بیان

آئندہ حج سیزن کی بہتری کے لیے عزم

مرکزی کوآرڈینیٹر اشرف علی خان نے کہا کہ تمام والنٹیئرز کا جذبہ لائقِ تحسین ہے۔ ان شاءاللہ آئندہ حج سیزن میں ہم مزید بہتر منصوبہ بندی اور تعاون کے ساتھ خدمت کا یہ سفر جاری رکھیں گے۔

یہ بھی پڑھیں: وہ چیز جسے بند کرنے کیلئے وزارت داخلہ نے پی ٹی اے کو خط لکھ دیا

عورتوں والنٹیئرز کی شمولیت اور سراہنا

تقریب میں خواتین والنٹیئرز نے بھی بھرپور شرکت کی، جبکہ مختلف شعبہ جات — نظامت، اسٹیج مینجمنٹ، فوڈ، سرٹیفکیٹ پرنٹنگ، ہال انتظامیہ اور میڈیا ٹیم — کی عمدہ کارکردگی کو سراہا گیا۔

دعا و اختتام

آخر میں دعا کی گئی کہ اللہ تعالیٰ تمام والنٹیئرز کی خدمات کو اپنی بارگاہ میں قبول فرمائے اور ہمیشہ ’’خدمتِ ضیوفِ الرحمن‘‘ کی توفیق عطا فرمائے۔