عمر ایوب کی اہلیہ کو پارٹی ٹکٹ دیئے جانے پر سوالات کی بوچھاڑ، سلمان اکرم راجہ نے ’’دفاعی محاذ‘‘ سنبھال لیا

عمر ایوب کی اہلیہ کو پارٹی ٹکٹ پر سوالات

اسلام آباد (ڈیلی پاکستان آن لائن) عمر ایوب کی اہلیہ کو پارٹی ٹکٹ دیئے جانے پر سوالات کی بوچھاڑ، سلمان اکرم راجہ نے ’’دفاعی محاذ‘‘ سنبھال لیا۔

یہ بھی پڑھیں: امریکی حملے کے بعد ایران کو مذاکرات کی میز پر واپس آنا چاہئے؛ برطانوی وزیراعظم کیئر سٹارمر

سلمان اکرم راجہ کا دفاعی بیان

تفصیلات کے مطابق پاکستان تحریک انصاف کے سیکریٹری جنرل سلمان اکرم راجہ عمر ایوب کی اہلیہ کے دفاع میں سامنے آگئے ہیں۔

’’جنگ‘‘ کے مطابق قومی اسمبلی کے حلقہ این اے 18 میں عمر ایوب کی اہلیہ کو پارٹی ٹکٹ دینے سے متعلق صحافی کے سوال پر سلمان اکرم راجہ نے کہا کہ کچھ معاملات مقامی سطح کے ہیں، عمر ایوب کا حلقہ پاکستان کا سب سے بڑا حلقہ ہے۔ عمر ایوب کی اہلیہ گزشتہ 20 سال سے بطور سیاسی ورکر کام کر رہی ہیں۔ علاقے کی سیاست عمر ایوب کی اہلیہ دیکھتی ہیں۔ ایسا نہیں کہ ان کا سیاست سے کوئی تعلق نہیں یا مسلط کیا جا رہا ہے۔ عمر ایوب کی اہلیہ سیاسی کارکن کی تعریف پر پورا اترتی ہیں، ان کی اہلیہ کا حق بنتا تھا جسے پارٹی نے تسلیم کیا۔

9 مئی کیسز پر سوالات

اس موقع پر صحافی نے سوال کیا کہ کیا عمر ایوب نے 9 مئی کیسز میں اپنی نااہلی کی سزا تسلیم کرلی؟

اس پر سلمان اکرم راجہ نے کہا کہ میری عمر ایوب یا ان کے وکیل سے اس حوالے سے کوئی بات نہیں ہوئی، اس کے کیا محرکات ہیں میں نہیں جانتا، مجھے علم نہیں ہے کہ انہوں نے ایسا کیوں کیا، اس لیے اس پر بات نہیں کروں گا۔