ہتک عزت کیس، بھارتی اداکارہ کنگنا رناوت کی ضمانت منظور

کنگنا رناوت کی ضمانت منظور

نئی دہلی (ڈیلی پاکستان آن لائن) پنجاب کی بٹھنڈہ عدالت نے معروف بھارتی اداکارہ اور سیاستدان کنگنا رناوت کی 2021 کے ہتکِ عزت کے کیس میں ضمانت منظور کر لی۔

یہ بھی پڑھیں: ملی یکجہتی کونسل قومی ایکشن کمیٹی کا اجلاس، کئی امور پر اہم فیصلے

مقدمہ کا پس منظر

یہ مقدمہ کسان احتجاج کے دوران کسان خاتون مہیندر کور کی جانب سے دائر کیا گیا تھا، جنہوں نے الزام لگایا تھا کہ کنگنا نے ایک ٹویٹ کے ذریعے ان کی ساکھ کو نقصان پہنچایا۔

یہ بھی پڑھیں: سابق کرکٹر اور کمنٹیٹر انتقال کر گئے

کنگنا کا موقف

سماعت کے بعد میڈیا سے گفتگو کرتے ہوئے کنگنا رناوت نے کہا کہ ان کے سوشل میڈیا بیان سے پیدا ہونے والی “غلط فہمی” پر انہیں افسوس ہے، میں نے کسی شخص کے خلاف براہِ راست تبصرہ نہیں کیا تھا۔

یہ بھی پڑھیں: وہ صارفین جن پر انسٹاگرام نے بڑی پابندی عائد کر دی

غلط فہمی کا بیان

اداکارہ کا کہنا تھا کہ مہیندر جی کے خاندان سے جو غلط فہمی ہوئی، اس پر میں نے اُن کے شوہر کو پیغام دیا کہ اسے غلط فہمی ہوئی ہے۔ میں نے کبھی سوچا بھی نہیں تھا کہ یہ اتنا بڑا تنازع بن جائے گا۔ ہر ماں، چاہے وہ پنجاب کی ہو یا ہماچل کی، میرے لیے قابلِ احترام ہے۔”

یہ بھی پڑھیں: عمران خان اقتدار بدر ہونے کے بعد سے اب تک مسلسل غلط پتّے چل رہے ہیں: عرفان صدیقی کھل کر بول پڑے

عدالت میں معافی کی خواہش

انہوں نے مزید کہا کہ ان کی پوسٹ کو غلط طور پر سمجھا گیا۔ “وہ ایک میم کی صورت میں ری ٹویٹ تھا جس میں کئی خواتین کی تصاویر تھیں، کسی ایک کے خلاف بات نہیں کی گئی تھی۔ میرا مقصد کسی کی بےعزتی کرنا نہیں تھا۔

کنگنا نے عدالت میں معافی مانگنے کی خواہش کا بھی اظہار کیا۔ مہیندر کور کے وکیل رغوبیر سنگھ بینیوال نے تصدیق کی کہ عدالت نے کنگنا کی ضمانت ان کے والد کی ضمانتی بانڈ پر منظور کی ہے۔

ہتک عزت کا مقدمہ

یاد رہے کہ 2021 میں اداکارہ پر اپنی پوسٹ کے حوالے سے الزام عائد کرتے ہوئے کہا گیا تھا کہ اداکارہ نے دعویٰ کیا تھا کہ یہ وہی خاتون ہیں جو شاہین باغ مظاہرے میں بھی شریک تھیں۔ اس بیان کو مہندر کور نے اپنی عزت و وقار کے خلاف قرار دیتے ہوئے ان کے خلاف ہتک عزت کی شکایت درج کرا دی تھی۔