عمران خان کی اپنے خلاف درج تمام مقدمات یکجا کرنے کی درخواست عدم پیروی پر خارج

درخواست خارج ہونے کی تفصیلات

لاہور(ڈیلی پاکستان آن لائن) بانی پی ٹی آئی عمران خان کی اپنے خلاف درج تمام مقدمات یکجا کرنے کی درخواست عدم پیروی پر خارج کر دی گئی۔

یہ بھی پڑھیں: پی ٹی آئی کے وفد کی عمران خان سے مشاورت کیلیے اڈیالہ جیل آمد

سماعت کا پس منظر

نجی ٹی وی چینل دنیا نیوز کے مطابق لاہور ہائی کورٹ میں بانی پی ٹی آئی عمران خان کی اپنے خلاف درج تمام مقدمات کو یکجا کرنے کی درخواست پر سماعت ہوئی جس میں عمران خان کی جانب سے کوئی وکیل عدالت میں پیش نہیں ہوا۔

یہ بھی پڑھیں: لاہور میں اکیڈمی جاتے ہوئے بچی کو ہراساں کرنے والا رکشہ ڈرائیور گرفتار

عدالت کی کارروائی

دوران سماعت عدالت نے پنجاب حکومت کے وکیل سے استفسار کیا کہ درخواست گزار کے خلاف کتنے مقدمات درج ہیں؟ جس پر وکیل نے بتایا کہ درخواست گزار پر 107 مقدمات درج ہیں۔

یہ بھی پڑھیں: ملتان شہر کو بچانے کے لیے ہیڈ محمد والا کے قریب روڈ میں شگاف ڈالنے کا فیصلہ

عدالت کے فیصلے کی بنیاد

چیف جسٹس عالیہ نیلم کے روبرو ہونے والی سماعت میں عمران خان کی جانب سے آج بھی کوئی وکیل پیش نہ ہوا جس پر عدالت نے درخواست عدم پیروی کی بنیاد پر خارج کر دی۔

درخواست کا مقصد

واضح رہے کہ 2023 میں بانی پی ٹی آئی عمران خان کی جانب سے یہ درخواست دائر کی گئی تھی جس میں مؤقف اختیار کیا گیا تھا کہ پنجاب کے تمام شہروں میں مقدمات درج ہیں انہیں یکجا کیا جائے۔