فضائی آلودگی کے خاتمے کے لیے 48 لاکھ سے زائد درخت لگانے کا فیصلہ

انقلابی منصوبہ: لنگز آف لاہور

لاہور(ڈیلی پاکستان آن لائن) وزیراعلیٰ پنجاب مریم نواز کے ویژن کے تحت پنجاب حکومت نے لاہور کو سموگ اور ماحولیاتی آلودگی سے نجات دلانے کیلئے ایک انقلابی منصوبہ ''لنگز آف لاہور'' شروع کر دیا۔

یہ بھی پڑھیں: کراچی پولیس کو اہم احکامات جاری

منصوبے کا مقصد

نجی ٹی وی چینل دنیا نیوز کے مطابق منصوبے کا مقصد لاہور کے اردگرد ایک جنگل نما حد بندی قائم کرنا ہے جو نہ صرف فضائی آلودگی میں کمی لائے گی بلکہ شہری پھیلاؤ کو بھی روکنے میں مددگار ثابت ہوگی۔

یہ بھی پڑھیں: پنجاب میں انٹر کے امتحانات کب شروع ہوں گے؟ تاریخ کا اعلان کردیا گیا

درختوں کی تعداد اور رقبہ

محکمہ ہاؤسنگ کے ترجمان کے مطابق اس منصوبے کے تحت 48 لاکھ سے زائد درخت لگائے جائیں گے، جبکہ لاہور کی جنگل نما حد بندی کی کل لمبائی 112 کلومیٹر اور رقبہ 1711 ایکڑ پر محیط ہوگا، منصوبہ تین مراحل میں مکمل کیا جائے گا۔

یہ بھی پڑھیں: راولپنڈی میں مسلسل زیادتی کی شکار میٹرک کی طالبہ نے بچی کو جنم دے دیا

پہلا مرحلہ

ترجمان کا کہنا ہے کہ پہلے مرحلے میں 1210 ایکڑ اراضی پر 59 کلومیٹر طویل رنگ فاریسٹ بنایا جائے گا، جبکہ دوسرے مرحلے میں 31 اور تیسرے مرحلے میں 22 کلومیٹر طویل جنگلات لگائے جائیں گے، پہلا مرحلہ ایک سال کے اندر مکمل کر لیا جائے گا۔

یہ بھی پڑھیں: جنگ میں ایران کا 145 ارب ڈالر تک کا نقصان ہوا، العربیہ کا دعویٰ

عوامی فوائد

منصوبے کی تکمیل کے بعد تقریباً 2 کروڑ شہری اس سے مستفید ہوں گے، اس منصوبے کی ذمہ داری پی ایچ اے لاہور کو سونپی گئی ہے جو اسے جدید ترین ماحول دوست اصولوں کے تحت مکمل کرے گا۔

یہ بھی پڑھیں: سال 2025: آئسکو نے 6 ارب 99 کروڑ سے زائد کے واجبات وصول کر لیے

وزیر اعلیٰ کا وژن

ترجمان محکمہ ہاؤسنگ نے کہا کہ یہ منصوبہ وزیر اعلیٰ پنجاب مریم نواز شریف کے ویژن کے عین مطابق ہے جو سموگ کے تدارک اور لاہور کے ماحول کو دوبارہ سرسبز و شاداب بنانے کے لئے ایک منفرد قدم ہے۔

حکومتی عزم

سینئر وزیر پنجاب مریم اورنگزیب بھی سموگ اور ماحولیاتی آلودگی کے خاتمے کیلئے بھرپور انداز میں متحرک ہیں، حکومت پنجاب کی ہدایت کے مطابق منصوبے کی تکمیل کو جلد از جلد یقینی بنایا جائے گا تاکہ لاہور ایک بار پھر “باغوں کا شہر” بن سکے۔