میرے خلاف سازشیں کرنے والوں کو ہر بار عمران خان کے سامنے ہزیمت اٹھانا پڑتی ہے، سلمان اکرم راجا

پی ٹی آئی رہنما سلمان اکرم راجا کا بیان

اسلام آباد (ڈیلی پاکستان آن لائن) پی ٹی آئی رہنما سلمان اکرم راجا کا کہنا ہے کل میں نے علی ظفر صاحب کو قریب ایک بجے واٹس ایپ مسیج کیا کہ منتظم اڈیالہ کے اعتراض کو دور کرنے کیلئے اس ہفتے میں ہی نام بھیج دیتا ہوں۔ تجویز کردہ نام بھی بتا دیے۔ انتظار کے بعد پونے تین بجے میں نے نام منتظم اڈیالہ کو ٹی سی ایس، واٹس ایپ اور خالد چوہدری ایڈووکیٹ کے ذریعے پہنچا دیے۔

یہ بھی پڑھیں: لاہور میں ’’دھی رانی پروگرام‘‘ کے تحت اجتماعی شادیوں کی تقریب ، 103بیٹیوں کی رخصتی ، وزراء اور معززین کی شرکت

نئی لسٹ اور پارٹی کی وقار

اپنے ایکس بیان میں وضاحت دیتے ہوئے انہوں نے لکھا کہ بعد میں ایک دوسری لسٹ علی ظفر صاحب نے جاری کر دی۔ لسٹیں بھیجنا ایک معمولی عمل ہے۔ پارٹی کا وقار ہر فرد کی انا پر فوقیت رکھتا ہے۔ خان صاحب ملاقات کا حق رکھتے ہیں۔ منتظم اڈیالہ کے پاس عمران خان صاحب سے ملاقات نہ کرانے کا کوئی جواز نہیں۔

یہ بھی پڑھیں: اصل ٹرافی نہ ملی، بھارتی کھلاڑیوں نے سوشل میڈیا پر فرضی ٹرافی تھام لی۔

سازشوں کا سامنا

سلمان اکرم راجا کا کہنا ہے عمران خان صاحب کے میرے لئے مہربان الفاظ بعض کیلئے وبال جان بن گئے ہیں۔ اس دن سے صبح شام لغو الزامات کی بوچھاڑ ہے۔ کسی نے کہا کہ میں کسی وی لاگر کو مواد فراہم کرتا ہوں۔ ثبوت کچھ بھی نہیں۔ پولیٹیکل کمیٹی اور کور کمیٹی کی روداد مہینوں سے لیک ہو رہی ہے۔ کون کرتا ہے؟ جاننے والے جانتے ہیں۔ میرے خلاف سازشیں کرنے والوں کو ہر بار عمران خان صاحب کے سامنے ہزیمت اٹھانا پڑتی ہے۔ خان صاحب جانتے ہیں کہ میں کبھی کسی عہدے کا طلبگار نہ تھا اور نہ اب ہوں۔ تنہائی اور کتاب میری زندگی کا مہور ہیں۔ آئین اور انسانی حقوق کیلئے جد و جہد تمام عمر کروں گا۔

سلمان اکرم راجا کا ٹویٹ

میرے خلاف سازشیں کرنے والوں کو ہر بار عمران خان صاحب کے سامنے ہزیمت اٹھانا پڑتی ہے۔ خان صاحب جانتے ہیں کہ میں کبھی کسی عہدے کا طلبگار نہ تھا اور نہ اب ہوں۔ تنہائی اور کتاب میری زندگی کا مہور ہیں۔ آئین اور انسانی حقوق کیلئے جد و جہد تمام عمر کروں گا۔

— salman akram raja (@salmanAraja) October 30, 2025