غریبوں کی زمینوں پر قبضے کا دور ختم، اب کوئی کمزور شہری بے گھر نہیں ہوگا: عظمیٰ بخاری

وزیر اطلاعات و ثقافت پنجاب کی کامیابی

لاہور(ڈیلی پاکستان آن لائن) وزیر معلومات و ثقافت پنجاب عظمٰی بخاری نے کہا ہے کہ وزیر اعلیٰ پنجاب مریم نواز نے نئے پراپرٹی آرڈیننس کی منظوری دے کر قبضہ مافیا کا مستقل خاتمہ کردیا ہے۔

یہ بھی پڑھیں: ندا یاسر کے بیان پر فوڈ ڈلیوری رائیڈرز کا شدید احتجاج، معافی کا مطالبہ

غریب شہریوں کے حقوق کا تحفظ

پنجاب میں اب کسی غریب یا کمزور شہری کی زمین پر قبضہ ممکن نہیں ہوگا۔ ماضی میں 40، 40 سال سے زمینوں پر قبضے کے کیسز عدالتوں میں زیر سماعت رہتے تھے لیکن فیصلے نہیں آتے تھے، تاہم نئے قانون کے تحت اب ہر قبضہ کیس کا فیصلہ 90 روز میں ہوگا۔

یہ بھی پڑھیں: لوئر کوہستان؛ گاڑی کھائی میں جاگری، 3 خواتین اور بچوں سمیت 8 افراد جاں بحق

مریم نواز کا ترقیاتی ماڈل

عظمٰی بخاری نے کہا کہ مریم نواز پنجاب کے سسٹم کو عملی طور پر ”ریاست ہوگی ماں“ کے ماڈل میں تبدیل کر رہی ہیں، جہاں شہریوں کے حقوق کا تحفظ، میرٹ اور انصاف بنیادی ترجیحات ہیں۔

یہ بھی پڑھیں: ترجیح کیا ہونی چاہیے۔؟ بیرسٹر گوہر نے علی امین گنڈا پور سے ’’گزارش‘‘ کر دی

غیر قانونی سرگرمیوں کی روک تھام

وزیر اطلاعات نے واضح کیا کہ پنجاب میں کسی کو بھی غیر قانونی سرگرمیوں، اسلحے کی نمائش یا خوف و ہراس پھیلانے کی اجازت نہیں ہوگی۔ عوام کے جان و مال کا تحفظ، کاروبار کے لیے محفوظ ماحول، اور شہریوں کی خوشحالی مریم نواز کی حکومت کے اولین اہداف ہیں۔

پنجاب کی ترقی کا شفاف نظام

عظمٰی بخاری نے کہا کہ وزیراعلیٰ پنجاب نے ترقی اور گورننس کا جو شفاف اور مؤثر نظام متعارف کروایا ہے، وہ آج دیگر صوبوں کے لیے رول ماڈل بن چکا ہے۔ مریم نواز روزانہ عوام کے معیارِ زندگی کو بہتر بنانے کے لیے نئے منصوبے شروع کر رہی ہیں، اور وسائل و فنڈز کے درست استعمال، میرٹ اور شفافیت پنجاب حکومت کے منصوبوں کی پہچان بن چکے ہیں.