سرگودھا میں 8ویں کلاس کی طالبہ سے 5 ملزمان کی مبینہ زیادتی، 16 ماہ تک بلیک میل کرتے رہے

سرگودھا میں ظلم کی ایک اور مثال

سرگودھا (ڈیلی پاکستان آن لائن) ظلم کی انتہا، سرگودھا کے نواحی علاقے کی آٹھویں کلاس کی 15 سالہ طالبہ کو 16 ماہ تک 5 ملزمان مبینہ طور پر زیادتی کا نشانہ بناتے رہے۔

طالبہ کی شکایت

’’جنگ‘‘ کے مطابق، 15 سالہ طالبہ نے مقدمہ درج کراتے ہوئے بتایا کہ ملزم بذریعہ فون اس سے تعلقات استوار کر کے ورغلاء کر ایک ڈیرے پر لے گیا، جہاں پہلے سے موجود اس کے دوستوں اور مرکزی ملزم نے زیادتی کا نشانہ بنایا۔ متاثرہ لڑکی کا کہنا ہے کہ اس دوران ملزمان نے غیر اخلاقی ویڈیو بنائی اور دھمکی دی کہ اگر کسی کو بتایا تو ویڈیو وائرل کر دی جائے گی۔ 7 جولائی 2024 سے شروع ہونے والا ملزمان کا بلیک میلنگ کا سلسلہ 16 ماہ تک جاری رہا۔

پولیس کی کارروائی

دوسری جانب، پولیس نے طالبہ کی مدعیت میں واقعے کا مقدمہ درج کر لیا ہے اور کہا کہ زیادتی کا نشانہ بننے والی طالبہ کا میڈیکل کروایا جا رہا ہے جبکہ ملزمان کی گرفتاری کے لیے بھی چھاپے مارے جا رہے ہیں۔