سی آئی ڈی: بھارت کا مشہور زمانہ ڈرامہ کیوں ہوا بند؟ جانئے اصل وجہ

بھارت کا مشہور کرائم شو 'سی آئی ڈی'

ممبئی (ڈیلی پاکستان آن لائن ) بھارت کے معروف کرائم شو 'سی آئی ڈی' کی مقبولیت کسی سے بھی ڈھکی چھپی نہیں۔ یہ شو پاکستان میں بھی بے حد پسند کیا جاتا ہے، لیکن اس کے اچانک بند ہونے کی وجہ کی تفصیلات سامنے آ چکی ہیں۔

یہ بھی پڑھیں: اس سوال کا جواب میں عدالت سے باہر جا کر دوں گا، سلمان اکرم کا جسٹس مندوخیل کے ریمارکس پر بیان

سی آئی ڈی کا بند ہونا

یہ ڈراما سیریز 20 سال تک ٹیلی کاسٹ ہوتی رہی، لیکن اسے 6 سال قبل اچانک بند کر دیا گیا تھا۔ سی آئی ڈی میں مرکزی کردار ادا کرنے والے اداکار شیواجی ساٹم نے اس سلسلے کے بند ہونے کی وجوہات بتا دیں ہیں۔

یہ بھی پڑھیں: ویو نے اپنا Y29 لانچ کردیا

اختلافات کی وجہ

شیواجی ساٹم نے ایک انٹرویو میں کہا کہ پروڈیوسر اور چینل کے درمیان اختلافات نے اس کامیاب شو کو متاثر کیا۔ انہوں نے کہا کہ 'ہمارا مقابلہ کون بنے گا کروڑ پتی سے تھا۔ کبھی کبھی ہماری ٹی آر پی یعنی ریٹنگ کم بھی ہو جاتی تھی، مگر ایسا تو ہر شو کے ساتھ ہوتا ہے۔'

ناظرین کی کمی اور وقت کی تبدیلی

شیواجی ساٹم کا خیال ہے کہ چینل نے شو کا وقت بھی بدل دیا تھا، جس کی وجہ سے ایسا لگتا تھا کہ ناظرین کو اس شو سے جان بوجھ کر دور کیا جا رہا ہے۔ یہ شو 1998 سے 2018 تک چلتا رہا، اور اس کے اہم کردار جیسے اے سی پی پردیو من، ابھیجیت اور فریڈرکس، عوام میں خاص مقبول تھے۔