پاکستان میں 2 دہائیوں بعد سمندر میں تیل و گیس کی تلاش کی کامیاب بولیاں لگ گئیں

پاکستان کا تیل و گیس کی تلاش میں نیا باب

اسلام آباد (سٹاف رپورٹر) پاکستان میں 2 دہائیوں کے بعد سمندر میں تیل و گیس کی تلاش کی کامیاب بولیاں لگ گئیں۔

یہ بھی پڑھیں: نامعلوم افراد کی فائرنگ سے ایک اور ٹک ٹاکر مقدس عباس قتل

سرمایہ کاری کی تفصیلات

پیٹرولیم ڈویژن کے اعلامیے کے مطابق، لائسنسز کے پہلے فیز میں تقریباً 80 ملین امریکی ڈالر کی سرمایہ کاری ہوگی جبکہ ڈرلنگ کے دوران یہ سرمایہ کاری ایک ارب ڈالر تک بڑھنے کا امکان ہے۔ اعلامیے میں کہا گیا ہے کہ آف شور میں تیل و گیس کے 23 بلاکس کی کامیاب بولیاں موصول ہوئی ہیں، جو کہ پاکستانی معیشت کے لیے بہترین ثابت ہوگا۔

یہ بھی پڑھیں: جسٹس اقبال کی پی پی 98 میں ضمنی انتخاب کیخلاف درخواست پر سماعت سے معذرت

ایکسپلوریشن کی حکمت عملی

پیٹرولیم ڈویژن کے مطابق، انڈس اور مکران بیسن میں بیک وقت ایکسپلوریشن کی حکمت عملی پاکستان کے لیے کامیاب رہی۔ کامیاب بولیاں تقریباً 53 ہزار 510 مربع کلومیٹر کے رقبے پر مشتمل ہیں۔

امریکی ادارے کا تخمینہ

اعلامیے میں کہا گیا ہے کہ امریکی ادارے نے حالیہ اسٹڈی میں پاکستان کے سمندر میں 100 ٹریلین کیوبک فٹ کے ممکنہ ذخائر کا عندیہ دیا ہے۔ اسی ممکنہ پوٹینشل کی بنا پر آف شور راؤنڈ 2025 لانچ کیا گیا جس میں کامیابی ملی۔