اظہر وڑائچ کے سسر چوہدری عطا محمد چیمہ مرحوم کے ایصالِ ثواب کے لیے تعزیتی نشست کا انعقاد

تعزیتی نشست کا اہتمام

جدہ(محمد اکرم اسد) سابق مشیر وزیرِ اعلیٰ پنجاب اور چیئرمین پاکستان انویسٹرز فورم جدہ چوہدری اظہر عباس وڑائچ کے سسر و ماموں چوہدری عطا محمد چیمہ مرحوم کے انتقال پر یارانِ جدہ گروپ کی جانب سے ایک باوقار تعزیتی نشست کا اہتمام کیا گیا۔ اس تقریب میں پاکستانی کمیونٹی کے ممتاز رہنماؤں، پاکستان قونصلیٹ کے افسران، سیاسی و سماجی شخصیات اور میڈیا کے ارکان نے شرکت کی۔

یہ بھی پڑھیں: مسلم ممالک امریکہ کی کھوکھلی طاقت پر بھروسہ نہ کریں ، متحد ہو جائیں : ترجمان ایرانی مسلح افواج

شرکاء کی شمولیت

تقریب میں قونصل جنرل پاکستان جدہ خالد مجید، قونصلیٹ کے سینئر افسران، سابق وفاقی وزیر شہباز حسین چوہدری، صدر انویسٹرز فورم چوہدری شفقت محمود، کشمیر کمیٹی کے چیئرمین مسعود پوری سمیت متعدد اہم شخصیات نے شرکت کی۔

یہ بھی پڑھیں: عظمیٰ بخاری کا فرانسیسی نشریاتی ادارے کوانٹرویو ، ہتک عزت قانون پر کھل کر بول پڑیں

تقریب کا آغاز

تقریب کا آغاز تلاوتِ قرآنِ پاک سے ہوا، جس کے بعد مرحوم چوہدری عطا محمد چیمہ کے ایصالِ ثواب کے لیے اجتماعی دعا کی گئی۔ شرکائے تقریب نے مرحوم کی دینی و سماجی خدمات کو خراجِ تحسین پیش کرتے ہوئے کہا کہ وہ نہایت نیک، ملنسار اور خداترس شخصیت کے مالک تھے۔ ہم ایک مخلص بزرگ سے محروم ہوگئے ہیں۔

یہ بھی پڑھیں: حج آپریشن شروع، پہلی پرواز اسلام آباد سے 428 عازمین کو لیکر مدینہ منورہ پہنچ گئی

قونصل جنرل اور سابق وفاقی وزیر کی باتیں

قونصل جنرل خالد مجید اور سابق وفاقی وزیر شہباز حسین چوہدری نے کہا کہ پاکستانی کمیونٹی ہمیشہ دکھ سکھ میں ایک دوسرے کے ساتھ کھڑی رہتی ہے۔ یہی اتحاد ہماری سب سے بڑی قوت ہے، جو قائم رہنا چاہیے۔ انہوں نے مرحوم کے اہلِ خانہ سے تعزیت کرتے ہوئے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور پسماندگان کو صبرِ جمیل عطا کرے۔

یہ بھی پڑھیں: کتاب سے دوبارہ رشتہ جوڑنے سے ہی قوم کا حال اور مستقبل بہتر ہوگا: چیئرمین پیمرا سلیم بیگ

چوہدری اظہر وڑائچ کا شکریہ

چوہدری اظہر وڑائچ نے تمام شرکاء کا شکریہ ادا کرتے ہوئے کہا کہ میں دل کی گہرائیوں سے تمام دوستوں، کمیونٹی رہنماؤں اور قونصلیٹ کے افسران کا ممنون ہوں جنہوں نے میرے خاندانی غم کو اپنا سمجھ کر جس خلوص اور محبت کا اظہار کیا، وہ میں کبھی فراموش نہیں کرسکتا۔ جدہ کی پاکستانی کمیونٹی کا یہ جذبہ قابلِ فخر ہے۔

اختتامی دعا

چوہدری محمد اکرم نے کہا کہ آپ سب کی آمد سے چوہدری اظہر وڑائچ کا دکھ و غم ہلکا ہوا ہے، جس کے لئے سب کے ممنون ہیں۔ آخر میں شرکائے تقریب نے مرحوم کے درجات کی بلندی اور لواحقین کے لیے صبر و حوصلے کی دعا کی۔ اللہ رب العزت مرحوم چوہدری عطا محمد چیمہ کو جنت الفردوس میں اعلیٰ مقام عطا فرمائے اور اُن کے اہلِ خانہ کو یہ صدمہ برداشت کرنے کی توفیق دے.