ایران نے دوبارہ جوہری تنصیبات کی تعمیر کا اعلان کردیا

تہران (ڈیلی پاکستان آن لائن) ایران نے دوبارہ جوہری تنصیبات کی تعمیر کا اعلان کر دیا ہے۔ ایرانی صدر مسعود پزشکیان نے ایٹمی توانائی ادارے کے دورے کے موقع پر کہا کہ جوہری تنصیبات پہلے سے زیادہ مضبوط بنائی جائیں گی۔ انہوں نے وضاحت کی کہ ایران کا جوہری ہتھیار حاصل کرنے کا نہ پہلے ارادہ تھا اور نہ اب ایسا کوئی ارادہ ہے۔

یہ بھی پڑھیں: ہمیں بھارت سے ایسا کوئی خطرہ نہیں کہ جس کا مقابلہ نہ کرسکتے ہوں: شاہد خاقان عباسی

تازہ ترین صورتحال کی بریفنگ

ایرانی صدر کو ایٹمی تنصیبات کی تازہ ترین صورتحال پر بریفنگ بھی دی گئی۔ مسعود پزشکیان نے کہا کہ عمارتیں تباہ کر دینے سے ہم پیچھے نہیں ہٹیں گے، ہمارے سائنس دانوں کے پاس اب بھی وہ تمام ضروری علم و ہنر موجود ہے۔

یہ بھی پڑھیں: صنعتوں کی قومی گرڈ پر منتقلی سے گیس کمپنیوں کو سالانہ کتنے ارب روپے کا نقصان ہو گا؟ سٹڈی رپورٹ میں حیران کن انکشاف

مذاکرات کی بحالی کے پیغام کی تفصیلات

دوسری جانب ایرانی حکومت کی ترجمان فاطمہ مہاجرانی کہتی ہیں کہ ایران کو جوہری پروگرام پر مذاکرات کی بحالی کا پیغام ملا ہے، تاہم یہ پیغام کہاں سے آیا ہے، ترجمان نے اس کی وضاحت نہیں کی۔

اسرائیل کی بمباری مہم

یاد رہے کہ اسرائیل نے جون میں ایران کے خلاف غیر معمولی بمباری مہم شروع کی تھی، جس کے نتیجے میں 12 روزہ جنگ چھڑ گئی تھی۔ اس دوران اسرائیل نے ایران کی جوہری اور عسکری تنصیبات سمیت رہائشی علاقوں کو بھی نشانہ بنایا اور کئی اعلیٰ سطحی سائنس دان مارے گئے۔