افغانستان میں خوفناک زلزلہ، 20 افراد جاں بحق، سینکڑوں زخمی اور کئی مکانات تباہ

افغانستان میں شدید زلزلہ

کابل (ڈیلی پاکستان آن لائن) ہندوکش خطے میں آنے والے شدید زلزلے کے نتیجے میں 20 افراد ہلاک جبکہ سینکڑوں افراد زخمی ہونے کی اطلاعات ہیں۔

یہ بھی پڑھیں: خوارج کا لکی مروت میں نمازمغرب کے دوران مسجد پر حملہ، جنٹلمین کیڈٹ عارف اللہ شہید

زلزلہ کی شدت اور اثرات

خبر ایجنسی کے مطابق زلزلے کے جھٹکے افغانستان کے شہر مزار شریف سمیت دیگر شہروں میں بھی محسوس کیے گئے۔ اس زلزلے نے مکانات کو شدید نقصان پہنچایا ہے، جس کے نتیجے میں 20 افراد کی ہلاکت اور 320 افراد کے زخمی ہونے کی اطلاعات موصول ہوئی ہیں۔ حکام نے ہلاکتوں میں اضافے کا خدشہ ظاہر کیا ہے۔

یہ بھی پڑھیں: لاہور، ہربنس پورہ کے علاقے میں گھر میں سلنڈر دھماکے سے عمارت کی پہلی منزل منہدم، 3افراد جاں بحق

لوگوں کا رد عمل

فرانسیسی خبر رساں ادارے اے ایف پی کے مطابق لوگ آدھی رات میں گھروں سے نکل کر کھلے مقامات کی طرف دوڑنے لگے، کیونکہ انہیں خدشہ تھا کہ ان کے مکانات گر سکتے ہیں۔

یہ بھی پڑھیں: بھارت ہر چیز کا الزام پاکستان پر لگاتا ہے مگر ثابت نہیں کرسکا: شرجیل میمن

زلزلے کی تفصیلات

امریکی جیولوجیکل سروے کے مطابق زلزلے کی شدت 6.3 اور گہرائی 28 کلومیٹر ریکارڈ کی گئی، جبکہ زلزلے کا مرکز صوبہ سمنگان کے ضلع خُلم سے تقریباً 22 کلومیٹر جنوب مغرب میں تھا۔

یہ بھی پڑھیں: وزیراعلیٰ مریم نواز کا چھت گرنے سے 8 خواتین کے جاں بحق ہونے پر گہرے دکھ کا اظہار

علاقائی اثرات

رپورٹس کے مطابق زلزلے کے جھٹکے ترکمانستان، تاجکستان، ازبکستان اور ایران میں بھی محسوس کیے گئے۔

پچھلے زلزلوں کا ذکر

واضح رہے کہ رواں سال 31 اگست کو افغانستان میں 6.0 شدت کے زلزلے میں 2 ہزار سے زائد افراد ہلاک ہوئے تھے، جبکہ 2023 میں 6.3 شدت کے زلزلے اور آفٹر شاکس کے نتیجے میں کم از کم 4 ہزار اموات ہو چکی ہیں۔