نومبر ختم ہونے سے پہلے 27 ویں آئینی ترمیم پاس ہو جائے گی، فیصل واوڈا

سینیٹر فیصل واؤڈا کا بیان

اسلام آباد(ڈیلی پاکستان آن لائن) سینیٹر فیصل واؤڈا نے کہا ہے کہ 27 ویں آئینی ترمیم نومبر کے اختتام سے پہلے پاس ہو جائے گی۔ انہوں نے پارلیمنٹ ہاؤس میں ’جیو نیوز‘ سے گفتگو کرتے ہوئے کہا کہ 27 ویں آئینی ترمیم کا ہم انتظار کر رہے ہیں، پاکستان کے لیے مثبت کام ہو رہا ہے۔

یہ بھی پڑھیں: ایران سے جنگ کب تک جاری رہ سکتی ہے؟ اسرائیلی دفاعی اداروں نے بتادیا

ترمیم کی اہمیت

فیصل واؤڈا نے مزید کہا کہ 27 ویں آئینی ترمیم میں آئین کے آرٹیکل 243 میں تبدیلیاں ممکن ہیں۔ پاکستان کے وسیع تر مفاد کے لیے دیکھا جا رہا ہے کہ کس طرح دفاعی لائن کو مضبوط کیا جائے۔ ان کا کہنا تھا کہ آج کل جنگیں صرف ہوا میں، زمین پر یا سمندر میں نہیں ہوتیں، لہذا پاکستان کی دفاعی لائن کو مزید مضبوط بنانے کی ضرورت ہے۔

اٹھارہویں آئینی ترمیم کا معاملہ

سینیٹر فیصل واؤڈا نے یہ بھی کہا کہ کچھ لوگ دعویٰ کر رہے ہیں کہ اٹھارہویں آئینی ترمیم کو رول بیک کیا جا رہا ہے، مگر ایسا کچھ بھی نہیں ہو رہا۔