مکران کوسٹل ہائی وے پر کوچ اور ایل پی جی ٹرک میں تصادم سے 7 افراد جاں بحق

مکران کوسٹل ہائی وے پر خوفناک حادثہ

کراچی(ڈیلی پاکستان آن لائن) مکران کوسٹل ہائی وے پر ایک کوچ اور ایل پی جی ٹرک کے درمیان تصادم کے نتیجے میں 7 افراد جھلس کر جاں بحق ہوگئے۔

یہ بھی پڑھیں: ویڈیو: حکومت نے اوورسیز پاکستانیوں کو ڈھیروں خوشخبریاں سنا دیں، سب کو فائلر بنا دیا، ایک درخواست پر مسائل حل کرنے کا وعدہ، ایم ڈی اوورسیز پاکستانیز فاؤنڈیشن

حادثے کی تفصیلات

نجی ٹی وی چینل جیو نیوز کی رپورٹ کے مطابق ریسکیو حکام نے بتایا کہ یہ حادثہ مکران کوسٹل ہائی وے (قومی شاہراہ N0) پر کنڈ ملیر کے قریب نلی اترائی کے مقام پر پیش آیا۔ کوچ اور ایل پی جی گیس سے بھرے ٹرک کے درمیان خوفناک تصادم کے بعد آگ لگ گئی، جس کے باعث 7 افراد جاں بحق ہوگئے۔

یہ بھی پڑھیں: چمن، اسپن بولدک بارڈر کھول دیا گیا

نقصانات اور متاثرین

ریسکیو حکام کے مطابق، کوچ میں 5 جبکہ ٹرک میں 2 افراد سوار تھے۔ اس خوفناک حادثے کے بعد آگ لگنے سے کوچ اور ٹرک مکمل طور پر جل کر خاکستر ہوگئے۔

لاشوں کی منتقلی اور تحقیقات

ریسکیو حکام نے یہ بھی بتایا کہ جاں بحق ہونے والے تمام افراد کی لاشیں ایدھی ایمبولینس کے ذریعے کراچی سہراب گوٹھ ایدھی سردخانے منتقل کردی گئی ہیں۔ حکام کا کہنا ہے کہ حادثے کی وجوہات جاننے کے لیے تحقیقات شروع کردی گئی ہیں۔