نیویارک کے نو منتخب میئر زہران ممدانی کی اہلیہ راما دواجی کون ہیں؟

نیویارک میں تاریخ ساز انتخابات

نیویارک (ڈیلی پاکستان آن لائن) امریکہ میں گزشتہ روز تاریخ رقم ہوگئی جب زہران ممدانی نیویارک کے پہلے مسلم اور بائیں بازو کے میئر منتخب ہوئے۔

یہ بھی پڑھیں: سوئی ناردرن کی نادہندہ صارفین کو نوٹسز جاری، وفاقی اور صوبائی محکموں کی جانب سے سوئی نادرن کو 3.7136 ارب روپے سے زائد واجبات کی ادائیگی باقی

اہلیہ کا اہم کردار

ان کی اہلیہ، اگرچہ انتخابی مہم کے دوران منظرِ عام سے دور رہیں، لیکن ممدانی کی مہم کی شناخت واضح کرنے اور سوشل میڈیا موجودگی کو مضبوط بنانے میں اُن کا کردار نہایت اہم رہا ہے۔

یہ بھی پڑھیں: کالعدم بی ایل اے کے دہشتگرد طلعت عزیز نے ہتھیار ڈال دیے، سنسنی خیز انکشافات

نیو منتخب خاتون اول کا تعارف

نیویارک کی نئی خاتون اول نو منتخب میئر زہران ممدانی کی اہلیہ کا نام راما دواجی ہے جن کی عمر 28 سال ہے۔

راما دواجی شامی نژاد امریکی آرٹسٹ ہیں جو ٹیکساس میں پلی بڑھیں۔ انہوں نے دبئی میں تعلیم حاصل کی اور صرف 4 برس قبل وہ نیویارک منتقل ہوئیں، اور اب وہ نیویارک سٹی کی تاریخ کی کم عمر ترین فرسٹ لیڈی بن گئی ہیں۔

یہ بھی پڑھیں: باغوں کا شہر لاہور پھر آلودہ ترین شہروں میں سرفہرست

انتخابی مہم میں عدم موجودگی

زہران ممدانی کی اہلیہ انتخابی مہم کے دوران عوامی تقریبات، مباحثوں اور انتخابی جلسوں سے دور رہی تھیں اور وہ انٹرویوز سے بھی گریز کرتی رہیں۔

دوستوں کی رائے

ممدانی کے دوستوں اور حلقوں میں راما دواجی کو غیر معمولی اور متاثر کن شخصیت قرار دیا جا رہا ہے۔