بھارتی شہر نوئیڈا میں دل دہلا دینے والا واقعہ، خاتون کی برہنہ لاش نالے سے برآمد، سر اور دونوں ہاتھ غائب

خاتون کی ہولناک قتل کیس

نئی دہلی (مانیٹرنگ ڈیسک) بھارتی ریاست اتر پردیش کے شہر نوئیڈا میں ایک دل دہلا دینے والا واقعہ پیش آیا ہے جہاں ایک خاتون کی سر کٹی اور برہنہ لاش نالے سے برآمد ہوئی ہے۔

یہ بھی پڑھیں: اگر ایران کے اقتصادی ڈھانچے کو نشانہ بنایا گیا تو اس کے “تباہ کن نتائج” برآمد ہوں گے، قطر کی وارننگ

لاش کی شناخت اور تحقیقات

نوئیڈا شہر کی پولیس کے مطابق لاش کا سر اور دونوں ہاتھ غائب ہیں جبکہ خاتون کی شناخت تاحال نہیں ہوسکی۔ ابتدائی شواہد سے شبہ ہے کہ خاتون کو کسی اور مقام پر قتل کر کے جسم کے کچھ حصے کاٹے گئے ہیں اور بعدازاں لاش کو نالے میں پھینک دیا گیا۔ واقعے کی تحقیقات کے لیے خصوصی ٹیم تشکیل دے دی گئی ہے جبکہ ارد گرد کے علاقوں کی سی سی ٹی وی فوٹیج بھی حاصل کی جارہی ہے تاکہ کوئی سراغ مل سکے۔

پولیس کارروائی

’’جنگ‘‘ نے بھارتی میڈیا کے حوالے سے بتایا ہے کہ صبح کے وقت مقامی لوگوں کی جانب سے اطلاع ملنے پر پولیس موقع پر پہنچی تھی اور لاش کو قبضے میں لے کر پوسٹ مارٹم کے لیے اسپتال منتقل کیا گیا۔